1 Ubimo 9:8 - The Holy Bible In Alur (Lur) Revised Orthography

⁸ Man kadok ot maeni wiu kumeni, ento ku ba dhanu ceke m’ukadhu kud i kume igi biwang’ li, man gibicayu acaya; gibiwacu de kumae, Yehova timo kumeni kum ng’om maeni nedi, man kum ot maeni?

1 Ubimo 9:8 ပူးပေါင်းရင်းမြစ်များ

2 Ubimo 22:17

Kum giweka, man giwang’u udok ma ng’wice ng’ar ni mungu mange, kara ginyai ng’ecwiny i ia ku tic ceke m’i cing’gi, ka kumeno kwinyo para biopo kum ka maeni, man jubinege ngo.

2 Ubimo 25:9

Man ewang’u ot pa Yehova ku ot p’ubimo; ku udi ceke mi Yerusalem, en e udi ceke ma dongo kubang’e kubang’e, ewang’u ku mac.

2 Lemkei 29:8

Kum kumeno kwinyo pa Yehova ni wi Yuda ku wi Yerusalem, man emiogi kara juwoth kugi rr, kara gibed ni gin ma wang’u ijo, man jamcac, calu wuneno ku weng’wu.

2 Lemkei 36:19

E giwang’u ot pa Mungu, man girwombo gang’kidi mi Yerusalem piny, e giwang’u odkeme ceke ku mac, man ginyotho agulu ma berne ceke.

2 Lemkei 7:21

Man ot maeni, ma wiu kumeno, ku ba dhanu ceke m’ukadhu kud i kume ie biwang’ lii, man ebiwacu kumae, Nedi Yehova timo kumeni kum ng’om maeni, man kum ot maeni?

Isaya 64:11

Ot mwa ma leng’ man mi bero, ka ma kwaruwa peki i ie, uwang’ ku mac; man ka mwa ma ber ceke judwoko ni uvuru.

Yeremia 16:10

Man ebitimbre, kinde m’ibinyutho lembe maeni ceke ni dhanu maeni, man gibiwacu iri kumae, Pirang’o Yehova ng’olo lem ma rac ma dit maeni i wiwa? kadi kier mwa en e ang’o? kadi dubo mwa en e ang’o ma wadubo ni Yehova Mungu mwa?

Yeremia 18:16

kara gidwok ng’om migi ni wang’uic, man cac ma thiri thiri; ku ba dhanu ceke m’ukadhu i bang’e ie biwang’ lii, man ebiyengo wie.

Yeremia 19:8

Man abidwoko adhura maeni ni wang’uic, ku cac; ku ba dhanu ceke m’ukadhu kud i ng’ete ie biwang’ lii man ebicayu kum masendine ceke.

Yeremia 22:28

Ng’atu maeni ma Konia en e agulu m’ung’eny ma jucayu? en e agulu ma ng’atu moko mbe ma anyong’a nege i kume? pirang’o jubayugi woko, en ku kodhine, man jubayugi i ng’om ma ging’eyo ngo?

Yeremia 25:9

nen, abioro man abigamu wat ceke ma yor ariwa ma malu, Yehova wacu, man abioro kwenda ba Nebukadrezar m’ubimo mi Babeli, ma jatic para, man abikelogi kum ng’om maeni, man kum ju m’ubedo iiene de, man kum thek maeni ceke kingli; man abinyothogi kot, e abidwokogi ni wang’uic, ku cac, man ni uvuru ma gwei.

Yeremia 44:8

kum wunyayu ng’ecwiny i ia ku tic m’i cingwu, ma wubewang’u ko udok ma ng’wice ng’ar ni mungu mange i ng’om Misiri, ka ma wucidho i ie ni umondo; kara jukabwu woko, man kara wubed ni kwong’ man cac i kind thek ceke m’i ng’omi?

Yeremia 49:17

E Edom bidoko ni wang’uic: ku ba dhanu ku ba dhanu m’ukadhu i bang’e ie biwang’ lii, man ebicayu kum masendine ceke.

Yeremia 5:19

Man ebitimbre, kinde ma wuwacu kumae, Pirang’o Yehova Mungu mwa timo gin maeni ceke i kumwa? ibilund wacu igi kumae, Calu wtiweka, man wutimo ni mungu ma wi rok i ng’om mu, wubitimo ni juwirok i ng’om ma en e mu ngo kumeca.

Yeremia 50:13

Jubibedo i ie ngo ni kum kwinyo pa Yehova, ento ebibedo ni uvuru ma gwei: ku ba dhanu ceke m’ukadhu i ng’et Babeli ie biwang’ lii, man ebicayu masendi pare ceke.

Yeremia 52:13

Man ewang’u ot pa Yehova, ku ot p’ubimo, ku udi ceke mi Yerusalem, en e udi ma dongo kubang’e kubang’e, ewang’u ku mac.

Ywak 2:15

Dhanu ceke m’ukadhu akadha giteng’o cing’gi iri; Gicwio nya Yerusalem man giyengo wigi ire, giwacu kumae, Maeni adhura ma dhanu lwong’o kumae, Gin ma ndhu cu mi leng’, Anyong’a mi ng’om ngung’i?

Daniel 9:12

Man etimo lembe pare kakare, m’eyero i kumwa, man i kum jupoklembe mwa ma gipoko lembe i wiwa, ku kelo lembe ma’rac dit i wiwa; kum the polo ceke gin moko mbe m’utimbre calu m’utimbre kum Yerusalem.

Poi Mi Cik 28:37

E ibidoko ni wang’uic, man koi, ku cac, i kind kodhidhanu ceke ka ma Yehova biteri i ie cen.

Poi Mi Cik 29:23

man nia ng’ombe dho en e muganga, ku kadu, man girawang’a, nia jucoye ngo, kadi ecego nyinge de ngo, kadi lum moko de dongo i ie ngo, calu redh mi Sodom ku Gomora, man Adma ku Zeboim, ma Yehova redho ni kum ng’ecwiny pare, man ni kum kwinyo pare: