1 Ubimo 9:5 - The Holy Bible In Alur (Lur) Revised Orthography

⁵ abilund ketho komker mi ker peri ucung wi Israel mi nja, calu ang’olo ni Daudi ma wuru, m’awacu kumae, Dhanu bibedo mbe ngo wi komker mir Israel.

1 Ubimo 9:5 ပူးပေါင်းရင်းမြစ်များ

2 Samwil 7:12

Kinde ma ceng’ peri timbre kakare, man ibinindo ku kwara, abiting’o kodhi peri yo ng’ei, ma biai kud i ii, man abiketho ker pare ucungi.

2 Samwil 7:16

Man ot peri ku ker peri jubidwoke tek mi nja i weng’i: komker peri jubiketho cungo mi nja.

1 Ubimo 2:4

kara Yehova keth lembe pare cungi m’eyero pira, m’ewacu kumae, Tek nyithindhi bedo ku wang’gi kum yo migi, kara giwoth i wang’a i lemandha kud adundegi ceke man ku ng’eyong’ec migi ceke, e dhanu birem iri ngo (ewacu) ma bibedo wi komker mir Israel.

1 Ubimo 6:12

Pi ot maeni m’ibegomo, tek ibiwotho ku cik para, man ibitimo lembapoka para, ibiworo lembang’ola para de ceke kara iwoth i igi; abilund ketho lembe para cungo kudi m’ayero ni Daudi ma wuru.

1 Ubimo 8:15

E ewacu kumae, Mugisa bed ni Yehova, Mungu mir Israel, m’eyero ku dhoge ni Daudi ma vwa, man eketho etimbre kakare ku cinge, m’ewacu kumae,

1 Ubimo 8:20

Man Yehova ketho lembe m’eyero cungo; kum juting’a malu ka Daudi ma vwa, man ajany wi komker mir Israel, calu Yehova ng’olo, man agomo ot pi nying’ Yehova, Mungu mir Israel.