1 Ubimo 9:3 - The Holy Bible In Alur (Lur) Revised Orthography

³ E Yehova wacu ire kumae, Awinjo rwo peri ku kwac peri, m’itimo i wang’a: adwoko ot maeni leng’, m’igomo, mi ketho nyinga keca mi nja; e wang’a kud adundena bibedo keca thiri thiri.

1 Ubimo 9:3 ပူးပေါင်းရင်းမြစ်များ

1 Ubimo 8:29

kara weng’i bed ayaba yo ba ot maeni diewor ku dieceng’, en e ba ka m’iwacu pire kumae, Nyinga bibedo keca; kara iwinj ba rwo ma jatic peri birwo yo ba ka maeni.

2 Ubimo 20:5

Lokri, man iwac ni Hezekia ma jatelwic mi dhanu para kumae, Yehova, ma Mungu pa Daudi ma kwaru, wacu kumae, Awinjo rwo peri, aneno piweng’i: nen, abicengi; i ceng’ mir adege ibiidho malu ba ot pa Yehova.

2 Ubimo 21:7

Man eketho ayi mungu m’araga m’acwia m’ang’ika, m’etimo, i ot ma Yehova wacu ni Daudi man ni Suleman ma wode kumae, I ot maeni, man i Yerusalem, m’agoyo wie kud i suru mir Israel ceke, abiketho nyinga mi nja;

2 Lemkei 33:7

Man eketho ayi gin m’acwia m’apaya mi mungu m’araga, m’etimo, i ot pa Mungu, ma Mungu wacu pire ni Daudi man ni Suleman ma wode kumae, Abiketho nyinga mi nja i ot maeni, man i Yerusalem, m’agoyo wie kud i suru ceke mir Israel:

2 Lemkei 6:40

Kawono, E Mungu para, wek, akwei, weng’i bed ayaba, man wek ithi bed acika, ba rwo ma jutimo i ka maeni.

Ezra 6:12

man Mungu m’uketho nyinge bed keca eredh ubimo ceke ku suru ceke ma birieyo cing’gi kara gilok maeno, kara ginyoth ot maeni pa Mungu ma ni i Yerusalem. An a Dario atimo cik; dong’ jutime kud amora ceke.

Zaburi 10:17

Yehova, iwinjo yeny ma ju ma mol uyenyo: Ibiyiko adundegi, ibiketho ithi winjo;

Zaburi 116:1

Amaru Yehova, kum ewinjo Dwanda ku kwac para.

Zaburi 34:17

Weg bedopwe giywak, e Yehova winjo, Man elarugi kud i can migi ceke.

Zaburi 65:3

Kier usagu i kuma: Kier mwa, ibiweko gi woko.

Zaburi 66:19

Ento Mungu winjo andha; Ewinjo dwal mi rwo para.

Ai 20:11

kum Yehova timo polo ku ng’om i ceng’ abusiel, ku nam, ku giki ceke ma ni i ie, man eyom i ceng’ mir abirone: kum kumeno Yehova mio mugisa kum ceng’ sabatu, man edwoke leng’.

Ai 29:44

Man abidwoko hema mi cokri leng’, ku pemblam: abidwoko Harun bende leng’ ku wote, kara gitim tim ira i tic ma pa jalam.

Yeremia 15:1

Yehova lund uwacu ira kumae, Kadok Musa giku Samwil gicungo i wang’a, ento kuno di pidoia bedo yo ba dhanu maeni ngo: baigi woko kud i wang’a, man wek gici cen.

Yeremia 7:10

man wubibino wubicungo i wang’a i ot maeni, m’ulwongre ku nyinga, man wubiwacu kumae Waboth; kara wutim ginmajudagu maeni ceke?

Daniel 9:23

Kan itheko kwac peri lembang’ola wok woko, man abino kara ayer iri; kum in i ng’atu ma jumaru dit; ka kumeno ii pid kum lembene, man ing’ei ginmawokiwang’.

Kitabu Mir Ang’wende Pa Musa Wel 16:38

en e tabu mi dhanu maeni m’udubo ketho kwo migi rwinyo; man wek jutimgi ni ban m’afoda ni girauma mi pemblam: kum githierogi i wang’ Yehova: ka kumeno gi leng’; man gibibedo ni giranyutha ni nyithindho mir Israel.

Matayo 6:9

Ka kumeno wurwo kumae, Wegwa ma ni i polo, Nyingi bed leng’.

Yohana 11:42

Man ang’eyo nia iwinja thiri thiri: ento kum udul dhanu m’ucungo i vuta ayero, kara giyi nia iora.

Tic Mi Jukwenda 10:31

man ewacu kumae, Kornelio, rwo peri winjre giramia peri de gibedo ni poi i wang’ Mungu.

Poi Mi Cik 11:12

ng’om ma Yehova Mungu peri gwoko: wang’ Yehova Mungu peri ni i wie thiri thiri, ugambre i thekri mi rundi cil kum kajik mi rundi.

Poi Mi Cik 12:11

ebilund timbre nia i ka ma Yehova Mungu mu bigoyo wie, kara eketh nyinge bed keca, e wuter gin ceke m’ang’olo iwu keca: lam m’awang’a mu, ku lam mu, man apaje mu, ku lam m’ating’a mi cingwu, ku lembang’ola mu ceke ma ber m’usagu ma wung’olo ni Yehova.

Poi Mi Cik 12:21

Tek ka ma Yehova Mungu peri bigoyo wie, kara eketh nyinge keca, ubedo bor iri m’usagu, ilund ineg kind dhok peri man kind udul rombe peri, ma Yehova mio iri, calu ang’olo iri; man icopo camu yo i dhugang’ peri, calu yeny ma cwinyi yenyo ceke.

Poi Mi Cik 12:5

Ento ka ma Yehova Mungu mu bigoyo wie kud i suru mu ceke, kara eketh nyinge keca, wuyeny cil ba kabedo pare, man icidh keca;

Poi Mi Cik 16:11

man anyong’a negi i wang’ Yehova Mungu peri, in, ku wodi, ku nyeri, ku jamiru peri, man bong’ peri, ku Jalawi ma ni yo i dhugang’ peri, kud umondo, ku kic, man dhaku ma cware tho, ma gini i kindi, i ka ma Yehova Mungu peri bigoyo wie, kara eketh nyinge bed keca.

1 Yohana 5:14

Man maeni tegocwiny ma wabedo ko yor i bang’e, nia, tek wakwayu gin moko calku yeny ma ie yenyo, ewinjowa: