1 Ubimo 9:1 - The Holy Bible In Alur (Lur) Revised Orthography

¹ Man etimbre, kinde ma Suleman udaru gomo ot pa Yehova, ku ot p’ubimo, man gin ceke ma cwiny Suleman uyenyo etim,

1 Ubimo 9:1 ပူးပေါင်းရင်းမြစ်များ

1 Ubimo 3:1

Suleman utimo lembariba ku Farao m’ubimo mi Misiri, man egamu nya Farao, e ekele i adhura pa Daudi, cil m’edaru gomo ot pare ma dhe, man ot pa Yehova, ku gang’kidi mi Yerusalem m’utieke gbur.

1 Ubimo 6:37

I rundi mir ang’wende juketho the ot pa Yehova, i dwi Ziv.

1 Ubimo 7:1

Man Suleman ugomo ot pare gire rundi apar wi adek, man edaru ot pare ceke.

1 Ubimo 7:2

Kum egomo ot mi luli mi Lebanon; kaborne bot dak acel, man kalacne bot pier abic, kadongone de bot pier adek, wi mbegi mi musonge m’uthero wang’ ang’wen, ku riu mi musonge wi mbegine.

1 Ubimo 7:51

Kum kumeno tic ceke m’ubimo ma Suleman utimo i ot pa Yehova thum. Man Suleman ukelo gin ma Daudi ma won uthiero, en e mola ma tar, ku mola ma kwar, kud agulu, man ekethogi i kakanpiny mi ot pa Yehova.

1 Ubimo 8:66

I ceng’ mir aborane elalu dhanu; man gimio mugisa ni ubimo, e gicidho ba hema migi ma mutoro kud anyong’a de nego adundegi kum bero ceke ma Yehova nyutho ni Daudi ma jatic pare, man ni Israel ma dhanu pare.

1 Ubimo 9:10

Man etimbre ka rundi pier ario thum, ma Suleman ugomo ie udi ario, ot pa Yehova man ot p’ubimo

1 Ubimo 9:11

(nie Hiram m’ubimo mi Turo mio yendmusonge ku yen sipre ni Suleman, ku mola ma kwar, calku yeny ma ie yenyo ceke), nia ubimo Suleman ulund umio adhura pier ario m’i ng’om Galilaya ni Hiram.

1 Ubimo 9:19

man adhura ceke mi kanupiny ma Suleman ubedo ko, kud adhura mi magali pare, man adhura mi weg riuni pare, ku maeno ma Suleman uyenyo egom ni muj toro pare i Yerusalem, man i Lebanon, kud i ng’om ceke mi ker pare.

2 Lemkei 7:1

Nie kinde ma Suleman udaru rwo, mac uai i polo loro piny, man ewang’u lam m’awang’a ku lam; e dwong’ pa Yehova pong’o ot.

2 Lemkei 7:11

E Suleman udaru ot pa Yehova kumeni, ku ot p’ubimo: man gin ceke m’uwok i adunde Suleman ya etim i ot pa Yehova, man i ot pare gire, etime m’ebedo ko miero.

2 Lemkei 8:1

Man etimbre ka rundi pier ario kadhu, ma Suleman ugomo ie ot pa Yehova, ku ot pare gire,

2 Lemkei 8:6

man Balath, kud adhura ma kakanpiny ceke ma Suleman ubedo ko, kud adhura ceke mi magali pare, man adhura mi weg riuni pare, ku gin ceke ma Suleman uyenyo egom mir anyong’a pare i Yerusalem, man i Lebanon, man i ng’om ceke mi ker pare.

Eklizia 2:10

Man gin ma tek ubedo mit i wang’a atwono kogi ngo; acero adundena ngo ni mutoro moko; kum anyong’a nego adundena kum tic mi muli para ceke; man maeni en e makapiny para kum tic mi muli para ceke.

Eklizia 2:4

Atimo ira tic ma dit; agomo ira udi; apidho ira podho mir ulok:

Eklizia 6:9

Neno ku wang’ e ber sagu sendri kud awanya: maeni bende en e gin ma ie nanu man kethocwiny kum yamu.