1 Ubimo 5:4 - The Holy Bible In Alur (Lur) Revised Orthography

⁴ Ento kawono Yehova Mungu para mio ira yom i ng’eta kun ku kun; jadegi mbe, kadi lembe ma rac de.

1 Ubimo 5:4 ပူးပေါင်းရင်းမြစ်များ

2 Samwil 7:5

Cidh man iyer ni jatic para ma Daudi kumae, Yehova wacu kumae, Ibigomo ira ot m’abed i ie?

1 Ubimo 11:25

Man en e jasend mir Israel i nindo ceke pa Suleman, m’umedo gin ma rac ma Hadad utimo: e edagu Israel, man ecamu ker wi Cami.

1 Ubimo 4:24

Kum ebimo wi ng’om ceke ma loka Kulo, ugambre Tifsa cil kum Gaza, wi ubimo ceke ma loka Kulo: man ng’om ukwio ire ng’ete ceke kun ku kun.

1 Ubimo 5:18

Man jubodho pa Suleman ku jubodho pa Hiram ku Jugebali guilogi, man giyiko yen ku kidi mi gomo ode.

2 Ubimo 18:8

Egoyo Jufilisti cil kum Gaza ku kieune de, ugambre kum ot ma tek mi jukur cil kum adhura ma tek.

I Lemkei 22:9

Nen, jubinyolo nyathin ma nico iri, m’ebibedo dhanu mi mulonga; man abimio ire yom ni judegi pare ceke m’utieke gbur: kum nyinge bibedo Suleman, man abimio kwiocwiny man bedoyo ni Israel i ceng’ pare.

Ezra 4:20

Naka ubimo ma tek de nuti wi Yerusalem, ma gibimo wi ng’om ceke loka Kulo; man ajok, ku jamng’om, ku piny, jumio igi.

Zaburi 72:7

Lembe bibedo miero ni ng’atu ma pwe i nindo pare, Man kwiocwiny ma dit, cil ma dwi bithum ko.

Isaya 9:7

Kajik mi nyai mi bim pare man mi kwiocwiny bibedo mbe, wi komker pa Daudi, man wi ker pare, kara uketh ecungi, man kara ujenge ku pokolembe man ku bedopwe ugambre kawono cil nja. Ngiri pa Yehova mir udul bitimo maeni.

Tic Mi Jukwenda 9:31

Ka kumeno kanisa m’i ng’om ceke mi Yahudi ku mi Galilaya man Samaria de gibedo ma cwinygi kwio, e giteng’ni; e ka gibewotho i lworo pa Rwoth man i jukojuk pa Tipo Maleng’, gimedri.

Yocuwa 15:47

Acdod, kud adhurane man pacune de; Gaza, kud adhurane man pacune de; cil kum kulo mi Misiri, man nam ma dit, ku kieune de.