1 Ubimo 3:7 - The Holy Bible In Alur (Lur) Revised Orthography

⁷ Man kawono, E Yehova Mungu para, iketho jatic peri ni ubimo kaka Daudi ma vwa: e fodi a nyathin ma nok; ang’eyo ngo maram acidh ko woko kadi mondo de.

1 Ubimo 3:7 ပူးပေါင်းရင်းမြစ်များ

2 Samwil 5:2

I nindo ma con, kinde ma Saul en e ubimo i wiwa, en e in m’utelo wi Israel woko ku dwogo de: e Yehova wacu iri kumae, Ibibedo jakwac ni dhanu para Israel, man ibibedo jatelwic wi Israel.

I Lemkei 22:5

E Daudi wacu kumae, Suleman ma woda en e aradu man e tek ungo, man ot ma jubigomo ni Yehova maku ebed ber hai, mi pak man mi yung i ng’om ceke ndri ndri: ka kumeno abiyiko piny m’akana pire. Kum kumeno Daudi yiko piny m’akana dupa ma fodi k’etho ngo.

I Lemkei 22:9

Nen, jubinyolo nyathin ma nico iri, m’ebibedo dhanu mi mulonga; man abimio ire yom ni judegi pare ceke m’utieke gbur: kum nyinge bibedo Suleman, man abimio kwiocwiny man bedoyo ni Israel i ceng’ pare.

I Lemkei 29:1

Man Daudi m’ubimo wacu ni cokri ceke kumae, Suleman ma woda, ma Mungu goyo wie en e kende, fodi en e aradu man e tek ungo, man tic en e dit; kum ot ma tekne en e mi dhanu ngo, ento pa Yehova Mungu.

Zaburi 121:8

Yehova bigwoko wok peri ku mondo peri. Ugambre i nindo maeni cil nja ku nja.

Lembrieko 18:12

Adunde dhanu lar tingre ni nyoth; Man jwigri lar wok ni yung.

Eklizia 10:16

Can i wii, E ng’om, kinde m’ubimo peri en e nyathin, man judongomawijo peri gicamu kugweno!

Yeremia 1:6

Alund awacu kumae, A, Rwoth Yehova! nen, ang’eyo ngo maram awec ko; kum an a nyathin.

Yeremia 1:7

Ento Yehova wacu ira kumae, Kud iwac kumae, An a nyathin; kum ibicidho ba ng’atu ma tek aori i bang’e, man ibiyero gin ma tek ayero iri.

Daniel 2:21

Man eloko nindo ku oro; ekabu ju m’ubimo, man eketho ju m’ubimo; emio rieko ni jurieko, man ng’eyong’ec ni ju ma ng’eyothelembe ni kugi;

Daniel 4:25

nia jubi riemi woko ku kind dhanu, e kabedo peri bibedo karacelo ku yedi m’i thim, man jubiketho icamu lum calu koni dhiang’, man kumi bibedo ng’ic ku thoi m’i polo, e nindo abiro bikadhu i wii; maram ibing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 4:32

man jubiriemi ku kind dhanu; man kabedo peri bibedo karacelo ku yedi m’i thim; jubiketho icamu lum calu koni dhiang’; e nindo abiro bikadhu i wii; maram ing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 5:18

E in ubimo, Mungu ma Malu Ngbir umio ker ni Nebukadnezar ma wuru man yung ku lonyo man dwong’;

Daniel 5:21

man jurieme ku kind wot dhanu, man judwoko adundene calu mi lim, man kabedo pare ni karacelo ku kana m’i thim; juketho ecamu lum pami koni dhiang’, kume de ng’ic ku thoi m’i polo; maram eng’eyo ko nia Mungu ma Malu Ngbir ubimo i ker mi dhanu, man nia eketho malu i wie ng’atu ma tek eyenyo.

Kitabu Mir Ang’wende Pa Musa Wel 27:17

ma biwok woko i wang’gi, ma bimondo i wang’gi de, ma bitelo wigi woko, man ma bikelogi i ie; kara udul pa Yehova kud ubed calu rombe ma jakwacne mbe.

Yohana 10:9

An a dhugola; tek ng’atu moko mondo yor i bang’a, ebiboth, man ebimondo ebiwok woko de, ebinwang’u arusi de.

Poi Mi Cik 31:2

Man ewacu igi kumae, Rundi para doko dak acel ku pier ario tin; acopo cidho woko ku mondo kendo ngo: man Yehova wacu ira kumae, Ibikadhu loka Yordan maeni ngo,

1 Samwil 18:16

Ento Israel ceke ku Yuda de gimaru Daudi; kum ewok woko man emondo i wang’gi.