1 Ubimo 3:6 - The Holy Bible In Alur (Lur) Revised Orthography

⁶ Man Suleman uwacu kumae, Inyutho kisa ma dit ni jatic peri ma Daudi ma vwa, calu ewotho i weng’i i lemandha, man i bedopwe, man kud adunde m’atira kudi; man ikanu ire kisa maeni ma dit, nia imio ire nyathin ma nico ujany wi komker pare, calu ebedo i ceng’ ma tin.

1 Ubimo 3:6 ပူးပေါင်းရင်းမြစ်များ

Thangambere 24:40

Man ewacu ira kumae, Yehova, m’awotho i wang’e, ebioro malaika pare karacelo kudi, man ebiketho yo peri bedo miero; e ibigamu dhaku ni woda ba wat para, man mi ot pa vwa:

2 Samwil 22:21

Yehova mio ira sukulia calku bedopwe para; Calku leng’ mi cinga eculo ira.

2 Samwil 22:25

Ka kumeno Yehova culo ira calku bedopwe para, Calku leng’ para i wang’e.

2 Samwil 7:5

Cidh man iyer ni jatic para ma Daudi kumae, Yehova wacu kumae, Ibigomo ira ot m’abed i ie?

1 Ubimo 1:48

Man ubimo wacu kumae bende, Mugisa bed ni Yehova, Mungu mir Israel, m’emio ng’atu acel ujany wi komker para i ceng’ maeni, ketho wang’a neno lembe maeni.

1 Ubimo 15:5

kum Daudi timo gin m’ubedo atira i wang’ Yehova, man elokre cen ungo kum gin moko m’eng’olo ire i nindo ceke mi kwo pare, ndhu i lembe p’Uria ma Jahiti kende.

1 Ubimo 2:4

kara Yehova keth lembe pare cungi m’eyero pira, m’ewacu kumae, Tek nyithindhi bedo ku wang’gi kum yo migi, kara giwoth i wang’a i lemandha kud adundegi ceke man ku ng’eyong’ec migi ceke, e dhanu birem iri ngo (ewacu) ma bibedo wi komker mir Israel.

1 Ubimo 3:14

Man tek ibiwotho i yo para, kara iwor cik para ku lembang’ola para, calu Daudi ma wuru wotho, abilund medo nindo peri.

1 Ubimo 9:4

Man piri in, tek ibiwotho i wang’a, calu Daudi ma wuru wotho, kud adundeni ma cu, man ku tic m’atira, ku timo calku gin ceke m’ang’olo iri, man ibiworo cik para ku lembapoka para;

2 Ubimo 20:3

Kawono poi, E Yehova, akwei, maram awotho ko i weng’i i lemandha man kud adunde ma ndhu cu, man atimo gin m’ubedo ber i weng’i. E Hezekia ywak dit.

2 Lemkei 1:8

E Suleman uwacu ni Mungu kumae, Inyutho mer mi bero dit ni Daudi ma vwa, man iketha ni ubimo kakare.

Zaburi 116:7

Dwog ba yom peri, E ng’eyong’ec para; Kum Yehova timo ku laccinge i kumi.

Zaburi 119:17

Tim ku laccing’ kum jatic peri, kara abed kwo; Kum kumeno abiketho cwinya kum lembe peri.

Zaburi 13:6

Abiwero ni Yehova, Kum etimo ku berocwiny i kuma.

Zaburi 15:2

Ng’atu ma wotho atira, ma timo bedopwe, Man ma yero lemandha i adundene;

Kitabu Mir Ang’wende Pa Musa Wel 12:7

Jatic para ma Musa bedo kumeno ngo: ebedo mandha i ot para ceke:

2 Jukorinto 9:11

wun ma wucikubelony ku gin ceke ni miomic ceke ma ku berocwiny, m’utimbre ni kumwa ukelo foyofoc ni Mungu.

2 Jukorinto 9:5

Ka kumeno ia pido ya emaku piny ya akoakwai umego be, ya gilar gicidh i beng’wu, gilar gicok giramia mu ma wular wung’olo, man kara ebed ayika calu en e ajok, man kud amaci de ngo.