1 Ubimo 3:4 - The Holy Bible In Alur (Lur) Revised Orthography

⁴ E ubimo cidho Gibeon kara elam lam kuca; kum ka ma malu ma dit ni kuca: Suleman uthiero lam m’awang’a rubanga acel wi pemblam maeno.

1 Ubimo 3:4 ပူးပေါင်းရင်းမြစ်များ

1 Ubimo 8:4

Man gikelo sanduk pa Yehova malu, ku hema mi cokri, kud agulu ceke ma leng’ ma ni i Hema; julam ku Julawi gikelo maeni malu.

1 Ubimo 8:63

Man Suleman uthiero koni dhiang’ rubanga pier ario, ku rombe rubanga dak acel ku pier ario ni Yehova, ni lam mi kwiocwiny. Kum kumeno ubimo ku nyithindho mir Israel ceke githiero ot pa Yehova.

1 Ubimo 9:2

nia Yehova nyuthre ni Suleman wang’ arionde, calu enyuthre ire i Gibeon.

I Lemkei 16:39

man Zadok ma jalam, ku utumin mire ma julam, i wang’ hema pa Yehova i ka ma malu ma ni i Gibeon,

I Lemkei 21:29

Kum hema pa Yehova, ma Musa timo i langa, ku pemblam mi lam m’awang’a, i nindo maeca gini i ka ma malu i Gibeon.

2 Lemkei 1:2

E Suleman uyero ni Israel ceke, ni jego mi rubanga ma mi dak, man ni jupoklembe, man ni judongomawijo ceke i Israel kubang’gi kubang’gi, man ni wi udi pa wego.

2 Lemkei 1:3

Kum kumeno Suleman, ku cokri ceke gikugi, gicidho ba ka ma malu ma ni i Gibeon; kum hema mi cokri pa Mungu ni kuca, ma Musa ma jatic pa Yehova timo i langa.

2 Lemkei 30:24

Kum Hezekia m’ubimo mi Yuda mio thwoni dhiang’ rubanga acel man rombe rubanga abiro ni cokri ni lam; man judongomawijo gimio thwoni dhiang’ rubanga acel ku rombe rubanga apar ni cokri: man wel julam ma dit gidwokri gigi leng’.

2 Lemkei 7:5

Man ubimo ma Suleman uthiero lam mi koni dhiang’ rubanga pier ario wi ario, man rombe rubanga dak acel ku pier ario. Kum Icumeno ubimo ku dhanu ceke githiero ot pa Mungu.

Isaya 40:16

Man Lebanon romo ngo mir awang’a, kadi limne de romo ngo mi lam m’awang’a.

Yeremia 28:1

Man etimbre i rundi nino, i thekri mi camuker pa Zedekia m’ubimo mi Yuda, i rundi mir ang’wende, i dwi mir abije, nia Hanania ma wod Azur, ma jabila, ma en e mi Gibeon, eyero ira i ot pa Yehova, i vut julam man dhanu ceke, ewacu kumae,

Yocuwa 10:2

nia lworo negogi dit, kum Gibeon en e adhura ma dit, calu adhura moko ma p’ubimo, man kum en e dit ma sagu Ai, man dhanune ceke gi dhanu ma tek.

Yocuwa 18:21

Nie adhura mi suru mi nyithindho pa Benyamin calku wat migi en e Yeriko, man Beth-hogla, man Emek-keziz,

Yocuwa 9:3

Ento ka dhanu m’ubedo i Gibeon giwinjo gin ma Yocuwa timo kum Yeriko man kum Ai,

1 Samwil 13:9

Man Saul uwacu kumae, Wukel lam m’awang’a keni i bang’a, man lam mi kwiocwiny. E ethiero lam m’awang’a.