1 Ubimo 22:8 - The Holy Bible In Alur (Lur) Revised Orthography

⁸ Man ubimo mir Israel uwacu ni Yehocafat kumae, Fodi ng’atu acel nuti ma wacopo penjo lembe ba Yehova ni kume, en e Mikaya ma wod Imla: ento adage; kum eewo lembe ber pira ngo, ento rac. Man Yehocafat uwacu kumae, Dong’ ubimo kud uwac kumeno.

1 Ubimo 22:8 ပူးပေါင်းရင်းမြစ်များ

Yohana 17:14

Adaru mio igi lem peri; ng’om de dagugi, kum gi mi ng’om ungo, cu calu an a mi ng’om ungo.

Yohana 7:7

Ng’om copo daguwu ngo; ento an edagu, kum atuco pire, nia tic pare rac.

Amos 5:10

Gidagu ng’atu m’ujuko i dhugang’ man gidagu ng’atu ma weco atira.

Jugalatia 4:16

Ka kumeno adoko jadegi mu kum ayero iwu lemandha?

Mika 2:7

E ot pa Yakobo, ebiwacre kumae, Lembe bedo tek ni Tipo pa Yehova? maeni giratima pare? Lembe para timo ber ni ng’atu m’uwotho atira ngo?

Yeremia 38:4

Judongomawijo lund uwacu ni ubimo kumae, Wakwei, wek juneg ng’atu maeni; kum ekwio cing’ dhanu mir ali m’udong’ i adhura maeni, ku cing’ dhanu ceke, ku yero wadi lembe maeni igi: kum ng’atu maeni yenyo bedober mi dhanu maeni ngo, endre lem ma rac.

Matayo 10:22

Man dhanu ceke gibidaguwu kum nyinga: ento ng’atu m’uciro cil i kajikne, ng’atuni e ma biboth.

Zekaria 11:8

Man athumo jukwac adek woko i dwi acel; kum ng’eyong’ec para ol kugi, man ng’eyong’ec migi daga bende.

Mika 2:11

Tek dhanu m’ubewotho i tipo mi ndra cwayu ndra, ewacu kumae, Abiewo iri pi pigulok man pi giramadha ma lake tek; ebibedo jabila mi dhanu maeni.

Yeremia 20:10

Kum awinjo yeronying’ mi dhanu dupa, ndiri ni kun ku kun. Jurimba ceke ma ceng’ni, gi ju m’ukuro kier para, giwacu kumae, Dote, e wabidote, kuno nyo ebiyio iwa, e wabisage, man wabiculo kwor mwa i kume.

Yeremia 18:18

Gilund giwacu kumae, Wubin, man wek wapor lembapora kum Yeremia; kum cik birwinyo ni jalam ungo, kadi lembapora de ni jarieko, kadi lembe ni jabila. Wubin, man wek wagoyue ku leb, man ku waketh cwinywa kum lembe pare moko.

Isaya 49:7

Yehova, Jawar mir Israel man Ng’atu Maleng’ pare uwacu kumeni ni ng’atu ma dhanu cayu, ni ng’atu ma thek udagu, ni jatic mi jubim: Ju m’ubimo bineno man gibiai; judongomawijo, e gibirwo; ni kum Yehova ma en e mandha, en e Ng’atu Maleng’ mir Israel, m’ugoyo wii.

Isaya 30:10

ma giwacu ni jueulembe kumae, Kud wunen; man ni jubila kumae, Kud wueu iwa gin m’atira, wuyer iwa gin ma yom, wueu lembabombi,

Isaya 3:11

Can wi jadubo! lembe bibedo rac ire; kum gin ma cinge timo bicule ire.

Lembrieko 15:12

Jacac yenyo ngo jujuke; Ebicidho ba jurieko ngo.

Lembrieko 9:8

Kud ijuk jacac, emaru degi: Juk ng’atu ma riek, e ebimeri.

Zaburi 34:21

Gin ma rac binego dhanu ma rac; Man ju m’udagu weg bedopwe jubigonjogi agonja.

2 Lemkei 36:16

ento gicayu jukwenda pa Mungu, man gipiemo lembe pare, gitimo co de ni jubila pare, cil ma kwinyo pa Yehova wok ko kum dhanu pare, maram ma kabothne mbe.

2 Ubimo 9:22

Man etimbre kinde ma Yoram uneno Yehu, nia ewacu kumae, En e kwiocwiny Yehu? E eloko lembe kumae, Kwiocwiny ma nedi, ma nwang’u tarwang’ pa meru ma Yezebel kud ajoga pare gi dupa kumeni ngi e?

1 Ubimo 22:27

man wuwac kumae, Ubimo wacu kumae, Wuketh janduni i kol, man wumi ire kwen mi masendi ku pi mi masendi, cil m’abino ko ku kwiocwiny.

1 Ubimo 22:13

Man jakwenda m’ucidho nilwong’o Mikaya yero ire, ewacu kumae, Nen kawono, lembe mi jubila yere ber bang’ ubimo ku dhok acel: wek lembe peri, akwei, bed calu lembe pa ng’atu acel m’i kindgi, man iyer ber.

1 Ubimo 21:20

E Ahab uwacu ni Elia kumae, Inwang’a, E jadegi para? Man eloko lembe kumae, Anweng’i, kum ing’ieuri giri kara itim gin ma rac i wang’ Yehova.

1 Ubimo 19:14

E ewacu kumae, Abedo ku ngiri ma dit pi Yehova, Mungu mir udul; kum nyithindho mir Israel giweko lembariba peri, gimugo pemblam peri, man ginego jubila peri ku palamularu; e an, ndhu an a kenda, e m’adong’; man giyenyo kwo para, kara gikabe woko.

1 Ubimo 19:10

E ewacu kumae, Ngiri nega dit pi Yehova, Mungu mir udul; kum nyithindho mir Israel giweko lembariba peri, gimugo pemblam peri piny, man ginego jubila peri ku palamularu: man an, ndhu an a kenda e m’udong’; e gibeyenyo kwo para, kara gikabe woko.

1 Ubimo 18:4

kum ebedo kumeno, kinde ma Yezebel ukabu jubila pa Yehova woko, nia Obadia gamu jubila dak acel, man ekanugi pier abic pier abic i odng’om, man emio igi kwen ku pi.)

Thangambere 37:8

E utumin mire wacu ire kumae, Ibibimo wiwa andha? kadi ibicamu ker i wiwa andha? Man gidage kendo m’usagu kum lek pare, man kum lembe pare.

1 Ubimo 22:7

Ento Yehocafat uwacu kumae, Jabila pa Yehova mange mbe keni, kara wapenjue?

1 Ubimo 22:9

Ubimo mir Israel ulund ulwong’o jego, man ewacu kumae, Kel Mikaya ma wod Imla pio.

1 Ubimo 22:18

E ubimo mir Israel uwacu ni Yehocafat kumae, Ayero iri ngo nia ebiewo lembe ma ber ungo pira, ento raci?

Yeremia 36:23

Man etimbre, kinde ma Yehudi somo dhu waragane adek kadi ang’wen, nia ubimo thume ku pala man ebaye i mac ma ni i kendo, maram kitabu m’adolane ceke wang’ ko i mac ma ni i kendo.

Lembrieko 29:10

Ng’atu ma rieu rimo nege edagu ng’atu ma cu; Man ng’atu m’atira, giyenyo kwo pare.