1 Ubimo 22:3 - The Holy Bible In Alur (Lur) Revised Orthography

³ Man ubimo mir Israel uwacu ni jutic pare kumae, Wung’eyo ngo nia Ramoth-gilead en e mwa, man wabedo ling’, e wagame ngo kud i cing ubimo mi Cami?

1 Ubimo 22:3 ပူးပေါင်းရင်းမြစ်များ

2 Samwil 19:10

Man Absalom, ma wawiro i wiwa, etho i lwiny. Ka kumeno kawono nedi wukwero yero lembe mi gamu ubimo kendo?

1 Ubimo 22:29

Kum kumeno ubimo mir Israel ku Yehocafat m’ubimo mi Yuda giidho malu ba Ramoth-gilead.

1 Ubimo 4:13

Bengeber, i Ramoth-gilead (pacu pa Yair ma wod Manase, ma ni i Gilead, en e pare; ng’om mir Argob bende en e pare, ma eni i Bacan, adhura pier abusiel ma dongo ku gang’kidi man utwindi mi mola);

2 Ubimo 8:28

Man gicidho giku Yoram ma wod Ahab nikiedo kum Hazael m’ubimo mi Cami i Ramoth-gilead: e Jucami gitong’o lero kum Yoram.

2 Ubimo 9:14

Kum kumeno Yehu ma wod Yehocafat ma wod Nimci uporo lembe i kum Yoram. (Nwang’u Yoram ubegwoko Ramoth-gilead, en kud Israel ceke, kum Hazael m’ubimo mi Cami;

Poi Mi Cik 4:43

adhurane e eni: Bezer i langa, i ng’om pambu, ni Jurubeni: man Ramoth i Gilead, ni Jugadi; man Golan i Bacan, ni Jumanase.

Yocuwa 20:8

Man loka kulo Yordan ba Yeriko yo nyangu, gikoyo Bezer i yamba i pambu mi suru pa Ruben, man Ramoth i Gilead kud i suru pa Gad, man Golan i Bacan i suru pa Manase.

Yocuwa 21:38

Man kud i suru mi Gad, Ramoth i Gilead karacelo ku ng’ete, ma adhura mi ringo ni janek, man Mahanaim karacelo ku ng’ete,

Jupoklembe 16:2

Man juyero maeni ni Jugazi, juwacu kumae, Samson ubino keni. Man gitieke, e gikanu adhi ire soro ku diewor dhugang’ mir adhura, e gibedo ling’ diewor soro, giwacu kumae, Wakuru cil ma piny uru ko, e wabinege.

Jupoklembe 18:9

Man giwacu kumae, Waeyu malu, waidhu wakiedu kugi; kum waneno ng’ombe, man, nen, e ber dit: man wubedo ling’i? nyap cidho mondo mwonyo ng’ombe kud utimwu.