1 Ubimo 2:9 - The Holy Bible In Alur (Lur) Revised Orthography

⁹ Ka kumeno kawono kud ikwane ma dubo mbe kude, kum in i ng’atu ma riek; man ibing’eyo gin ma maku itim i kume, man ibitero wie ma ku lwar piny i liel ku rimo.

1 Ubimo 2:9 ပူးပေါင်းရင်းမြစ်များ

Thangambere 42:38

Man ewacu kumae, Woda biloro piny karacelo kudu ngo; kum umin utho, man edong’ e kende: tek gin ma rac utimbre i kume i yo ma wucidho i ie, wubilund tero lwar para ku can i liel.

Thangambere 44:31

ebitimbre, kinde m’eneno nia nyathin umbe kudwa, nia ebitho: man jutic peri bitero lwar ma wi jatic peri ma wegwa ku can i liel.

Thangambere 9:6

Ng’atu ma tek uketho rimb dhanu cwir, en de dhanu biketho rimbe cwir: kum i ayi Mungu ecwio dhanu.

2 Samwil 16:5

Man kinde m’ubimo Daudi bino Bahurim, nen, ng’atu acel m’i ot pa Saul, ma nyinge Cimei, ma wod Gera, ewok woko ku keca; ewok woko, man ewotho ku yanyu ayany.

2 Samwil 3:39

Man abedo ng’ic i ceng’ maeni, kadok juwira ni ubimo; e dhanu maeni ma gi wot Zeruia gi tek ira m’usagu: Yehova cul kum jatic rac calku dubo pare.

1 Ubimo 2:6

Ka kumeno tim calku rieko peri, man kud iwek wie ma ku lwar ulor piny i liel ku kwiocwiny.

1 Ubimo 3:12

nen, atimo calku lembe peri: nen, amio iri adunde mi ng’eyong’ec mi rieko; kum kumeno ng’atu moko mbe ma fodi uwok ma calu in, kadok yo ng’ei de ng’atu moko mbe ma biwok ma calu in.

1 Ubimo 3:28

E Israel ceke winjo pi lembapoka m’ubimo poko; e gilworo ubimo: kum gineno nia rieko pa Mungu ni i ie, kara utim lembapoka ma pwe.

Kitabu Pa Yob 9:28

Lworo nega kum can para ceke, Ang’eyo nia ibiwacu ngo nia lembe mbe i wia.

Ai 20:7

Kud ilwong’ nying’ Yehova Mungu peri mananu; kum ng’atu m’ulwong’o nyinge mananu bibedo umbe dubo ngo ku ba Yehova.

Ai 22:27

kum maeno en e jambum pare e kende, en e kendi pare mi dendkume: ebinindo i ang’o? man ebitimbre, kinde m’eywak i bang’a, nia abiwinjo; kum an a won bero.

Ai 22:28

Kud icid Mungu, kadi kud ilam jabim mi juthu.

Kitabu Mir Ang’wende Pa Musa Wel 32:23

Ento tek wubitimo kumeni ngo, nen, wudubo ni Yehova; man wung’ei andha nia dubo mu binwang’uwu.