1 Ubimo 2:5 - The Holy Bible In Alur (Lur) Revised Orthography

⁵ Mange ke ing’eyo gin ma Yoab ma wod Zeruia timo i bang’a bende, gin m’etimo kum jego ario mir udul Israel, kum Abner ma wod Ner, man kum Amasa ma wod Yether, m’enego, man ecwiro rimo mir ali i nindo mi kwiocwiny, man eketho rimo mir ali wi thond piere m’ubedo i piere, man i wara pare m’eronyo i tiende.

1 Ubimo 2:5 ပူးပေါင်းရင်းမြစ်များ

2 Samwil 17:25

Man Absalom uketho Amasa wi udul i kaka Yoab. Nwang’u Amasane en e wod ng’atu moko ma nyinge Ithra ma Jaisraeli, m’umondo wi Abigal ma nya Nahac, ma nyamin Zeruia, ma min Yoab.

2 Samwil 18:12

E ng’atuca wacu ni Yoab kumae, Kadok agam sente mi mola ma tar rubanga i cinga, de aci ketho cinga ngo kum wod ubimo: kum i winjo mwa ubimo ng’olo iri man ni Abicai man ni Itai, ewacu kumae, Wubed ku weng’wu nia ng’atu moko kud umul jalawobi ma Absalom.

2 Samwil 18:14

Yoab ulund uwacu kumae, Acopo galu kumeno ngo i kumi. E egamu athero adek i cinge, man ekilo kudo adunde Absalom, kinde ma fodi ekwo i kind bongu.

2 Samwil 18:5

Man ubimo ng’olo ni Yoab kud Abicai man Itai, e ewacu kumae, Wutim ber kum jalawobine, ma Absalom, ni kuma. Man dhanu ceke giwinjo kinde m’ubimo ng’olo ni jego ceke pi Absalom.

2 Samwil 2:13

Man Yoab ma wod Zeruia, ku jutic pa Daudi, gicidho, man girombo kugi dhu kut mi Gibeon; e gibedo piny, jukurucel i ng’et kut kurucel, jukurucel de i ng’et kut kurucel.

2 Samwil 2:18

Man wot Zeruia adek gini keca, Yoab, man Abicai, ku Asahel: man Asahel tiende yot pa tiend ruda m’i thim.

2 Samwil 20:10

Ento Amasa ie pido ngo pi palamularu ma ni i cing’ Yoab: kum kumeno edhuye kudo, man eolo cindie i ng’om, man egoye kendo ngo; e etho. Man Yoab kud Abicai m’umin mire gilubo tok Ceba ma wod Bikri.

2 Samwil 3:27

E kinde ma Abner udwogo Hebron, Yoab ucoro kude cen i kind dhugang’ kara giwec kude ling’ ling’, e egoye keca i kume, ketho etho, pi rimb Asahel m’umin mire.

2 Samwil 3:39

Man abedo ng’ic i ceng’ maeni, kadok juwira ni ubimo; e dhanu maeni ma gi wot Zeruia gi tek ira m’usagu: Yehova cul kum jatic rac calku dubo pare.

1 Ubimo 1:7

E giporo lembe giku Yoab ma wod Zeruia, man kud Abiathar ma jalam: e gin ma gibelubo ng’ei Adonija gikonye.

1 Ubimo 2:32

Man Yehova bidwoko rimo pare i wie gire, kum epodho wi dhanu ario ma pwe man ma ber ma sagu en, man enegogi ku palamularu, man Daudi ma vwa ng’eyo ngo, en e Abner ma wod Ner, ma jego mir udul mir Israel, kud Amasa ma wod Yether, ma jego mir udul pa Yuda.

Yeremia 2:34

Junwang’u rimo mi ng’eyong’ec mi jucan m’umbe dubo bende i dhu kendi peri: inwang’ugi ngo ma giberwombo piny; ento en e kum gin maeni ceke.

Yeremia 6:15

Lewic unegogi kinde ma gitimo ginmajudagu? ungo, lewic negogi ki ngo, kadok wang’gi de copo lokre ngo: ka kumeno gibipodho i kind ju m’upodho; i nindo m’aliewogi jubiredhogi piny, Yehova wacu.

Matayo 3:4

Nwang’u Yohanane bedo ku kendi pare mi yuk ngamia, ku del mir adila i piere; cemo pare de en e bonyo ku kic m’i thim.

Poi Mi Cik 27:24

Kwong’ ubed wi ng’atu m’ugoyo wadi ling’. E dhanu ceke biwacu kumae, Amen.