1 Ubimo 2:4 - The Holy Bible In Alur (Lur) Revised Orthography

⁴ kara Yehova keth lembe pare cungi m’eyero pira, m’ewacu kumae, Tek nyithindhi bedo ku wang’gi kum yo migi, kara giwoth i wang’a i lemandha kud adundegi ceke man ku ng’eyong’ec migi ceke, e dhanu birem iri ngo (ewacu) ma bibedo wi komker mir Israel.

1 Ubimo 2:4 ပူးပေါင်းရင်းမြစ်များ

Thangambere 17:1

Man kinde ma rundi pa Abram a pier abung’wen wi abung’wen, Yehova nyuthre ni Abram, man ewacu ire kumae, An a Mungu ma Jategokpo; woth i wang’a, man ibed ndhu cu.

Thangambere 18:19

Kum ang’eye, nia ebing’olo ni nyithindhe ku juode yo ng’eye, kara giwor yo pa Yehova, kara gitim bedopwe man lembapoka; kara Yehova kel lembe m’eyero pire wi Ibrahim.

2 Samwil 7:25

Man kawono, E Yehova Mungu, lembe m’iyero pi jatic peri, man pi ot pare, keth ecung mi nja, man itim calu iyero.

1 Ubimo 1:48

Man ubimo wacu kumae bende, Mugisa bed ni Yehova, Mungu mir Israel, m’emio ng’atu acel ujany wi komker para i ceng’ maeni, ketho wang’a neno lembe maeni.

1 Ubimo 11:36

Man abimio suru acel ni wode, kara Daudi ma jatic para ubed ku thala thiri thiri i Yerusalem i wang’a, adhura m’agoyo wie kara aketh nyinga keca.

1 Ubimo 3:14

Man tek ibiwotho i yo para, kara iwor cik para ku lembang’ola para, calu Daudi ma wuru wotho, abilund medo nindo peri.

1 Ubimo 3:3

Man Suleman umaru Yehova, m’ebewotho ku cik pa Daudi ma won: ento elamu lam man ewang’u udok ma ng’wice ng’ar i ka ma malu.

1 Ubimo 6:12

Pi ot maeni m’ibegomo, tek ibiwotho ku cik para, man ibitimo lembapoka para, ibiworo lembang’ola para de ceke kara iwoth i igi; abilund ketho lembe para cungo kudi m’ayero ni Daudi ma wuru.

1 Ubimo 8:23

man ewacu kumae, E Yehova, Mungu mir Israel, Mungu moko mbe ma calu in, malu i polo, kadi piny i ng’om; m’ugwoko lembariba ku mer mi bero Jeu jutic peri, m’uwotho i weng’i kud adundegi ceke;

1 Ubimo 8:25

Ka kumeno kawono, E Yehova, Mungu mir Israel, gwok ku jatic peri ma Daudi ma vwa lembe m’ing’olo ire, m’iwacu kumae, Dhanu bibedo umbe ngo iri i wang’a m’ubed wi komker mir Israel, tek nyithindho peri giketho cwinygi kum yo migi kende, kara giwoth i wang’a calu iwotho i wang’a.

1 Ubimo 9:5

abilund ketho komker mi ker peri ucung wi Israel mi nja, calu ang’olo ni Daudi ma wuru, m’awacu kumae, Dhanu bibedo mbe ngo wi komker mir Israel.

2 Ubimo 20:3

Kawono poi, E Yehova, akwei, maram awotho ko i weng’i i lemandha man kud adunde ma ndhu cu, man atimo gin m’ubedo ber i weng’i. E Hezekia ywak dit.

2 Ubimo 23:25

Man ubimo moko mbe m’ular uwok ire ma calu en, m’ulokre ba Yehova kud adundene ceke, man ku ng’eyong’ec pare ceke, man ku tekre ceke, calku cik ceke pa Musa; kadok yo ng’eye de moko mbe m’uwok ma calu en.

2 Ubimo 23:3

E ubimo cungo ba mbegi, man etimo lembbariba i wang’ Yehova, kara elub tok Yehova, man ewor lembang’ola pare, ku lembatuca pare, man cik pare, kud adundene ceke man ku ng’eyong’ec pare ceke, kara etim lembe mi lembariba maeni m’ugore i kitabu maeni: man dhanu ceke gicungo kum lembaribane.

I Lemkei 28:9

Man in, Suleman ma woda, dong’ ing’ei Mungu pa wuru, man itim ire kud adundeni ma cu man ku pidoic ma yot; kum Yehova yenyo i adunde ceke, man eng’eyo porolembe ceke mi pidoic. Tek iyenye, ebinwangre iri; ento tek iweke, ebibei woko mi nja.

2 Lemkei 17:3

Man Yehova ni karacelo ku Yehocafat, kum ewotho i yo ma kwong’ane pa kwaru mire ma Daudi, man eyenyo Balim ungo,

2 Lemkei 6:16

Ka kumeno kawono, E Yehova, Mungu mir Israel, tim ku jatic peri ma Daudi ma vwa gin m’ing’olo ire, m’iwacu kumae, Dhanu birem iri ngo i wang’a ma bijany wi komker mir Israel, tek nyithindho peri giketho wang’gi kum yo migi kende, kara giwoth i cik para calu iwotho i wang’a.

2 Lemkei 7:18

abilund ketho komker mi ker peri ucungi, calu m’atimo ko lembariba ku Daudi ma wuru, m’awacu kumae, Dhanu birem iri ngo ma bibedo ni jabim wi Israel.

Zaburi 119:9

Jalawobi bilwoko yo pare nenedi? Ni kum gwokri calku lembe peri.

Zaburi 37:22

Kum wadi ju m’emio mugisa igi gibicamu ng’om ni aba; Man ju m’ekwong’ogi jubikabugi woko.

Zaburi 37:9

Kum jubikabu jutim rac woko; Ento ju m’ukuro Yehova, gibicamu ng’om ni aba.

Zaburi 39:1

Awacu kumae, Abiketho cwinya kum yo para, Kara kud adub ku leba: Abikuro dhoga kud utwindi, Kinde ma jadubo ni i wang’a.

Yeremia 33:17

Kum Yehova wacu kumae: Dhanu m’ujany wi komker mi ot mir Israel birem ni Daudi ki ngo;

Lembe Mi Julawi 26:3

Tek wuwotho ku cik para, man wugwoko lembang’ola para, wutimogi de:

Zekaria 14:2

Kum abicoko thek ceke utim ali kum Yerusalem; man jubimaku adhurane, e jubiyaku udi, man jubitimo mon rac; man ng’et adhurane bicidho i ng’eca, man dong’ dhanu bithumbri woko ngo ku i adhurane.

Matayo 22:37

Man ewacu ire kumae, Mar Rwoth Mungu peri kud adundeni ceke, ku ng’eyong’ec de ceke, man ku pidoii ceke.

Luka 1:6

Gin ario de gibedo pwe i wang’ Mungu, ma gibewotho i cik ku lembapoka ceke pa Rwoth umbe gin ma rac.

Poi Mi Cik 10:12

E kawono, Israel, Yehova Mungu peri lwong’o ang’o i beng’i, ndhu lworo Yehova Mungu peri, kara iwoth i yo pare ceke, man nia imare, man nia itim ni Yehova Mungu peri kud adundeni ceke man ku ng’eyong’ec peri ceke,

Poi Mi Cik 11:13

Man ebitimbre, tek wubiwinjo cu ba lembang’ola para m’ang’olo iwu tin, kara wumar Yehova Mungu mu, man wutim ire kud adundewu ceke man ku ng’eyong’ec mu ceke,

Poi Mi Cik 6:5

man imar Yehova Mungu peri kud adundeni ceke, man ku ng’eyong’ec peri ceke, man ku tegoni ceke.

Poi Mi Cik 7:12

Man ebitimbre, kum wuwinjo ba lembapoka maeni, man wugwokogi wutimogi de, nia Yehova Mungu peri bigwoko lembariba ku mer mi bero kudi m’ekwong’o ni kwaru:

Yuda 1:24

Nie ni ng’atu ma copo kurowu kara kud wukier, m’ecopo kethowu wang’ dwong’ pare ma lembe mbe i wiwu i mutoro ma dit,