1 Ubimo 2:3 - The Holy Bible In Alur (Lur) Revised Orthography

³ man igwok lembang’ola pa Yehova Mungu peri, kara iwoth i yo pare, kara igwok cik pare, ku lembang’ola pare, man lembapoka pare, ku lembatuca pare, calku maeno m’ugore i cik pa Musa, kara gin ceke m’itimo bed miero, man ka ceke ma tek ilokri i ie giri;

1 Ubimo 2:3 ပူးပေါင်းရင်းမြစ်များ

2 Samwil 8:14

Man eketho ot ma tek mir ali i Edom; i Edom ceke mba mba eketho ot ma tek mir ali, man Juedomi ceke gidoko jutic pa Daudi. Man Yehova mio aloci ni Daudi i ka ceke ma tek ecidho i ie.

2 Samwil 8:6

Daudi lund uketho ot ma tek mir ali i Cami mi Dameski; man Jucami gidoko jutic pa Daudi, e gikelo ajok. Man Yehova mio aloci ni Daudi i ka ceke ma tek ecidho i ie.

1 Ubimo 3:3

Man Suleman umaru Yehova, m’ebewotho ku cik pa Daudi ma won: ento elamu lam man ewang’u udok ma ng’wice ng’ar i ka ma malu.

2 Ubimo 18:7

Man Yehova ni kude; ka ceke ma tek ewok woko i ie lembe pare bedo miero: e ejai ni ubimo mir Ascur, man etimo ire ngo.

I Lemkei 29:19

man mi ni Suleman, ma woda adunde ma cu, kara ewor lembang’ola peri, ku lembatuca peri, man cik peri, man kara etim gin maeni ceke, man egom ot ma ber, m’ayiko piny pire.

Zaburi 119:111

Agamu lembatuca peri ni aba mi nja; Kum gin anyong’a mir adundena.

Zaburi 119:138

Ing’olo lembatuca peri ku bedopwe Man ku bedo mandhandha.

Zaburi 119:2

Mugisa ni ju m’uworo lembatuca pare, Ma giyenye kud adunde ceke,

Zaburi 19:7

Cik pa Yehova en e cu, m’edwoko ng’e yong’ec: Lembatuca pa Yehova en e andha m’edwoko ng’atu ma cobo riek.

Eklizia 12:13

Maeni en e kajik mi lembe; gin ceke daru winjre: Lwor Mungu, man lwor lembang’ola pare; kum maeni en e gin m’umaku piny cu ni dhanu.

Lembe Mi Julawi 8:35

Man wubed i dhugola mi hema mi cokri dieceng’ ku diewor ceng’ abiro, man wugwok kur pa Yehova, kara kud wutho: kum jung’olo ira kumeni.

Malaki 4:4

Wupoi kum cik pa Musa ma jatic para, m’ang’olo ire i Horeb pir Israel ceke, en e cik ku lembapoka.

Poi Mi Cik 29:8

e wagamu ng’om migi, man wamie ni aba ni Jurubeni, man ni Jugadi, man ni ng’et suru mi Jumanase.

Poi Mi Cik 29:9

Ka kumeno wugwok lembe mi lembariba maeni, man wutimgi, kara gin ceke ma wutimo ubed miero.

Poi Mi Cik 4:1

Man kawono, E Israel, wuwinj cik man lembapoka, m’aponjo kowu, kara wutimgi; kara wubed kwo, man wumond wumwony ng’om ma Yehova, Mungu pa kwaruwu, umio iwu.

Poi Mi Cik 4:45

maeni lembatuca, ku cik, man lembapoka, ma Musa yero ni nyithindho mir Israel, kinde ma giai i Misiri,

Poi Mi Cik 4:5

Nen aponjowu ku cik man lembapoka, cil calu Yehova Mungu para ng’olo ira, kara wutim kumeno i kind ng’om ka ma wumondo i ie kara wumwonye.

Poi Mi Cik 4:8

Man thek ma dit ma kani ma nuti, m’ubedo ku cik ku lembapoka ma pwe kumeni calu cik maeni ceke, m’aketho i weng’wu i ceng’ ma tini?

Poi Mi Cik 5:1

E Musa lwong’o Israel ceke, man ewacu igi kumae, E Israel, winj cik ku lembapoka m’ayero i ithwu tin, kara wumak ng’eyogi, man wuketh cwinywu nitimogi.

Yocuwa 22:5

Ento wubed k’amora mi timo lembang’ola mi cik ma Musa ma jatic pa Yehova ng’olo iwu, ya wumar Yehova Mungu mu, man wuwoth i yo pare ceke, wuwor lembang’ola pare de, man wumok i kume, wutim ire de kud adundewu ceke, ku ng’eyong’ec mu ceke.

Yocuwa 23:6

Ka kumeno cwinywu bed tek dit kara wugwok man wutim gin ceke m’ugore i kitabu mi cik pa Musa, kara kud wulokru ku ba lembene yor acwic kadi yor acam;

1 Samwil 18:14

E Daudi timbre gire ku rieko i yo pare ceke; man Yehova ni kude.

1 Samwil 18:30

Judongomawijo mi Jufilisti gilund giwok woko: man etimbre, ku ba wok ma giwok ko woko, nia Daudi timbre gire ku rieko ma sagu jutic ceke pa Saul; kum kumeno nyinge bedo ku pak ma dit.

1 Samwil 18:5

Man Daudi cidho ka ma tek Saul uore, man etimbre gire ku rieko: man Saul ukethe wi dhanu mir ali, man ebedo ber i wang’ dhanu ceke, man i wang’ jutic pa Saul bende.