1 Ubimo 2:2 - The Holy Bible In Alur (Lur) Revised Orthography

² Abecidho i yo ma ng’om ceke cidho i ie: ka kumeno bed tek, man inyuthri giri nia in i nico;

1 Ubimo 2:2 ပူးပေါင်းရင်းမြစ်များ

2 Samwil 10:12

Wubed ku tegocwiny, man dong’ wadwok cwinywa tek pi dhanu mwa, man pir adhura pa Mungu mwa: man Yehova tim gin m’ubedo ber ire.

2 Samwil 12:23

Ento kawono etho, akwir cam mir ang’o? acopo dwoke kendo? abicidho i bang’e, ento ebidwogo ngo i bang’a.

1 Ubimo 3:7

Man kawono, E Yehova Mungu para, iketho jatic peri ni ubimo kaka Daudi ma vwa: e fodi a nyathin ma nok; ang’eyo ngo maram acidh ko woko kadi mondo de.

I Lemkei 22:13

E lembe bilund bedo miero iri, tek ibiketho weng’i kum timo cik man lembapoka ma Yehova ng’olo ni Musa pir Israel: bed tek, man mi tegocwiny ma ber; lworo kud unegi, kadok cwinyi de kud ung’abre.

I Lemkei 22:16

mi mola ma kwar, man mi mola ma tar, man mi mola, man nyunyu, welgi mbe. Ai itim tic, man Yehova bed kudi.

I Lemkei 28:10

Bed ku weng’i kawono; kum Yehova goyo wii kara igom ot mi kamaleng’: bed tek, man itime.

I Lemkei 28:20

Man Daudi wacu ni Suleman ma wode kumae, Bed tek man ku tegocwiny ma ber, man itime: kud ilwor, kadi cwinyi de kud ung’abre; kum Yehova Mungu, en e Mungu para, eni kudi; ebirem iri ngo, kadi akuna de ebikuni ngo, cil ma tic ceke mi timotim mi ot pa Yehova bithum ko.

Kitabu Pa Yob 16:22

Kum ka rundi ma nok utundo, Abicidho ka m’abidwogo i ie ngo.

Kitabu Pa Yob 30:23

Kum ang’eyo nia ibikela ba tho, Man ba ot ma juketho ni ju ma kwo ceke.

Zaburi 89:48

Ng’atu ma kani ma bibedo kwo ma kubineno tho ngo, Ma bibodho ng’eyong’ec pare ni tego mi lieli? [Sela.

Eklizia 12:13

Maeni en e kajik mi lembe; gin ceke daru winjre: Lwor Mungu, man lwor lembang’ola pare; kum maeni en e gin m’umaku piny cu ni dhanu.

1 Jukorinto 16:13

Dong’ wukuru, wucung ki ki ki i yioyic, wubed ratego pami co, wubed tek.

Juefeso 6:10

Aha a, wubed tek i Rwoth, man i tego mi tek pare.

Poi Mi Cik 31:23

Man emio km ni Yocuwa ma wod Nun, ewacu de kumae, Bed jakero man ku tegocwiny ma ber; kum ibitero nyithindho finir Israel i ng’om m’akwong’o igi: e wabibedo wakudi.

1 Timoteo 4:12

Kud iyi ng’atu moko cei ya fodi i nyathin; ento dong’ ibed ni por mi ju m’uyio, i lembe, i bedo, i mer, i yioyic, i leng’cwiny.

2 Timoteo 2:1

Ka kumeno in, nyathin para, bed ku tego i bero ma ni i Kristu Yesu.

Juebrania 9:27

Man kum ekethre ni dhanu ya githo wang’ acel pii, man yo ng’ei maeni pokolembe;

Yocuwa 23:14

Man, nen, tin abecidho i yo ma dhanu ceke m’i ng’om cidho i ie: e wung’eyo i adundewu ceke man i ng’eyong’ec mu ceke, nia gin acel de mbe m’urem mi gin ceke ma ber ma Yehova Mungu mu yero piwu; gin ceke timbre kakare iwu, gin acel de mbe i kinde m’urem.