1 Ubimo 15:4 - The Holy Bible In Alur (Lur) Revised Orthography

⁴ Ento kum Daudi Yehova Mungu pare mio ire thala i Yerusalem, kara eting’ wode malu yo ng’eye, man eketh Yerusalem ucungi;

1 Ubimo 15:4 ပူးပေါင်းရင်းမြစ်များ

Thangambere 12:2

man abiketho ibedo thek ma dit, man abimio mugisa iri, man abiketho nyingi ubed dwong’; man ibed ni jamimugisa:

Thangambere 19:29

Man etimbre, kinde ma Mungu nyotho adhura mi pambu, nia Mungu poi pir Ibrahim, man eoro Lot woko kud i kind ng’ielne, kinde m’eng’ielo adhura ma Lot ubedo i ie.

Thangambere 26:5

kum Ibrahim uworo dwanda, man egwoko kur para, ku lembang’ola para, man lembapoka para, ku cik para.

2 Samwil 21:17

Ento Abicai ma wod Zeruia bodhe, e egoyo Jafilistine, enege de. Dhanu pa Daudi gilund gikwong’o ire, giwacu kumae, Wabicidho kudu kendo ngo i lwiny, kara kud ineg thala mir Israel.

1 Ubimo 11:12

Ento abitime i nindo peri ngo, ni kum Daudi ma wuru: ento abing’enye kud i cing’ wodi.

1 Ubimo 11:32

(ento ebibedo ku suru acel, ni kum jatic para ma Daudi man ni kum Yerusalem, ma en e adhura m’agoyo wie kud i suru ceke mir Israel);

1 Ubimo 11:36

Man abimio suru acel ni wode, kara Daudi ma jatic para ubed ku thala thiri thiri i Yerusalem i wang’a, adhura m’agoyo wie kara aketh nyinga keca.

2 Lemkei 21:7

Ento Yehova yenyo enyoth ot pa Daudi ngo, kum lembariba m’etimo ku Daudi, man calu eng’olo ya emi thala ire man ni nyithindhe mi nja.

Zaburi 132:17

Abiketho tung pa Daudi kudo kuca: Aketho thala ni ng’atu m’awira para.

Zaburi 18:28

Kum ibiewinyo thala para: Yehova Mungu para bicaru mudho para.

Zaburi 87:5

Eyo, pi Sayuni jubiwacu kumae, Junyolo ng’atu maeni ku ng’atu maeca i ie; Man Ng’atu ma Malu Ngbir en ebidwoke tek.

Isaya 14:32

Jubilund loko lembang’o ni jukwenda mi theki? Nia Yehova guro the Sayuni, man ju ma jusendo mi dhanu pare bipondo i ie.

Isaya 37:35

Kum abigwoko adhura maeni kara abodhe pira gira, man pi jatic para ma Daudi.

Isaya 62:7

man kud wumi ire yom, ma fok’eketho ecungo ngo, man ma fok’edwoko Yerusalem ni pak ungo i ng’om.

Isaya 9:7

Kajik mi nyai mi bim pare man mi kwiocwiny bibedo mbe, wi komker pa Daudi, man wi ker pare, kara uketh ecungi, man kara ujenge ku pokolembe man ku bedopwe ugambre kawono cil nja. Ngiri pa Yehova mir udul bitimo maeni.

Yeremia 33:2

Yehova m’utimo maeni wacu kumae, Yehova m’ung’ine kara eketh ecungi; nyinge Yehova:

Matayo 16:18

An bende awacu iri, nia in i Petro, man ke abigomo kanisa para wi cana maeni; e dhugang’ mi Hadeya de biloye ngo.

Luka 2:32

En e der mi nyuthonyuth ni Thekdha numange, Man dwong’ mi dhanu peri Israel.

Yohana 8:12

Yesu lund uyero igi kendo, ewacu kumae, An a der m’i ng’om; ng’atu m’ulubo ng’eya biwotho i mudho ngo, ento ebibedo ku der mi kwo.

Jurumi 11:28

Man pi lembanyong’a ma juboth ko, gi judegi piwu: endre pi goyo nying’, gi jumer pi kwaru.

Poi Mi Cik 4:37

Man kum emaru kwaru, ka kumeno egoyo wi kodhigi yo ng’eigi, man ewodhoi woko ku wang’e, ku tego pare ma dit, kud i Misiri:

Lembanyutha 22:16

An a Yesu aoro malaika para nituco iwu gin maeni ni kanisa. An a ulag man nyakwar Daudi, cero ma rieny, mi rupiny.