1 Ubimo 14:9 - The Holy Bible In Alur (Lur) Revised Orthography

⁹ ento itimo dubo ma sagu dhanu ceke m’ular uwok iri, man icidho itimo iri mungu mange, kud ayi giracwia m’atwaga, kara unyai ng’ecwiny i ia, man ibaya i ng’ei:

1 Ubimo 14:9 ပူးပေါင်းရင်းမြစ်များ

Ezekiel 23:35

Ka kumeno Rwoth Yehova wacu kumae: Kum wii wil pira, man ibaya yor i ng’ei, ka kumeno yei tarwang’ peri bende kud asara peri.

Zaburi 50:17

Ma nwang’u idagu ponji, Man ibayu lembe para i ng’ei?

Nehemia 9:26

Ento giwor ungo, man gijai iri, gibayu Cik peri de i ng’eigi, man ginego jubila peri m’utuco wigi kara gilokgi i beng’i kendo, man gitimo gin ma dit ma nyayu ng’ecwiny.

2 Lemkei 11:15

man eketho julam ire mi ka ma malu, man mi nyogi diegi, man ni nyithi dhiang’ m’etimo.

1 Ubimo 12:28

Kum kumeno ubimo poro lembe, man etimo nyithi dhiang’ ario mi mola ma kwar; man ewacu igi kumae, Idho malu Yerusalem tek iwu: nen mungu peri, E Israel, m’ukeli malu kud i ng’om Misiri.

Ai 34:17

Kud itim mungu m’acwia m’atwaga iri ki.

1 Jukorinto 10:22

Kadi waketh nyeko tim Rwothi? tego mwa sagu pare?

Ezekiel 8:17

Elund ewacu ira kumae, Ineno maeni, E wod dhanu? En e gin ma yot ni ot mi Yuda nia gitim ginmajudagu ma gitimo kuni? kum gipong’o ng’om ku rop, man gilokri kendo kara ginyai ng’ecwiny i ia: man, nen, giketho jang ba umgi.

Ezekiel 8:3

Man erieyo ayi mi cing’, man emaka ku yukwia moko; e Tipo ting’a malu i die ng’om ku polo, man ekela i ginmawokiwang’ pa Mungu ba Yerusalem, ba dhugola mi dhugang’ mi lelagang’ ma yor i ie ma nen yor ariwa ma malu; ka ma kom mir ayi gin m’acwia mi nyeko ni i ie, ma nyayu nyeko.

Zaburi 106:29

Kumeno ginyayu ng’ecwiny i ie ku giratima migi; Man thong’om upodho i wigi.

Zaburi 78:40

Gijai ire i langa wang’ udul, Man ginyayu can i ie i ng’om ngele mire ma!

Zaburi 78:56

Ento gibidho man gijai ni Mungu ma Malu Ngbir, Man giworo lembatuca pare ngo;

2 Lemkei 33:6

Eketho nyithindho pare bende ukadh kud i mac i poga pa wod Hinom; man etimo lembe ku weg jogi, elamu bila de, man etimo ajoga, e etimo ku ju ma weg tipo, man ku weg ajoga: etimo dubo dit i wang’ Yehova, kara unyai ng’ecwiny i ie.

2 Ubimo 23:26

Karacelo ku maeni, Yehova lokre ngo ni lak kwinyo pare ma dit, ma jucwinyo kudo ng’ecwiny pare kum Yuda, kum gin ceke ma judagu ma Manase nyayu kudo ng’ecwiny i ie.

2 Ubimo 21:3

Kum egomo ka ma malu kendo ma Hezekia ma won unyotho; man eting’o pemblam ni Bal, man etimo mungu m’araga, calu Ahab m’ubimo mir Israel utimo, man erwo ni udul m’i polo ceke, etimo igi de.

1 Ubimo 16:31

E etimbre, calu en e gin ma nok ire nia ewoth i dubo pa Yeroboam ma wod Nebat, nia egamu Yezebel nyar Ethbal m’ubimo mi Jusidoni ni dhaku, man ecidho etimo ni Bal, erwo ire de.

1 Ubimo 15:34

Man etimo gin ma rac i wang’ Yehova, e ewotho i yo pa Yeroboam, man i dubo pare m’eketho Israel udubo kudo.

1 Ubimo 14:22

Man Yuda timo gin ma rac i wang’ Yehova, e ginyayu ngiri i ie ku dubo migi ma gitimo, ma sagu gin ceke ma kwaru migi timo.

1 Ubimo 14:16

Man ebimio Israel kum dubo pa Yeroboam, m’edubo, man m’eketho Israel udubo kudo.

Jupoklembe 5:8

Gifoyo mungu ma nyen; I nindo maeca lwiny ubedo dhugang’: Ban kadi tong’ unen I kind rubanga pier ang’wen i Israeli?

Poi Mi Cik 32:21

Ginyayu nyeko i ia ku gin ma Mungu ngo; Ginyayu ng’ecwiny i ia ku gin migi ma kite mbe: Man anyayu nyeko i igi ku ju ma gi dhanu ngo; Abinyayu ng’ecwiny i igi ku thek ma jukusegu.

Poi Mi Cik 9:24

Wujai ni Yehova ugambre i nindo m’amaku ng’eyowu i ie.

1 Ubimo 15:29

Man etimbre, kinde m’edoko ni ubimo, egoyo ot ceke pa Yeroboam: eweko ng’atu moko ngo ni Yeroboam ma yuyo, maram enyothe; calku lembawaca pa Yehova, m’eyero ku dhu jatic pare ma Ahija ma Jaciloni;

1 Ubimo 16:25

E Omri timo gin ma rac i wang’ Yehova, man etimo rac ma sagu ju m’ular uwok ire ceke.

1 Ubimo 16:30

Man Ahab ma wod Omri timo rac i wang’ Yehova ma sagu ju m’ular uwok ire ceke.

1 Ubimo 16:33

Man Ahab utimo mungu m’araga; e Ahab utimo rac ma sagu ubimo ceke mir Israel m’ular uwok ire, kara unyai ng’ecwiny i Yehova, Mungu mir Israel.

2 Ubimo 3:3

Endre emoko kum dubo pa Yeroboam ma wod Nebat, m’eketho Israel udubo kudo; eai i ie ngo.

Zaburi 78:58

Kum ginyayu ng’ecwiny i ie ku ka ma malu migi, Man ginyayu nyeko i ie kud ayi gin m’acwia m’ang’ika,

Yeremia 7:18

Nyithindho coko yen, e wego cwinyo mac, man mon umieno kwen, kara gitim kwen m’apada ni ubimo ma dhaku m’i polo, man kara gikonj lam m’amadha ni mungu mange, kara ginyai ng’ecwiny i ia.

Yeremia 32:18

m’inyutho mer mi bero ni dhanu rubanga, man m’iculo kier mi wego i kor nyithindhgi yo ng’eigi; Mungu ma dwong’, ma Jatego, nyingi Yehova mir udul;

Lembe Mi Julawi 19:4

Kud wulokru ba mungu m’araga, kadi kud wutim mungu m’atwaga iwu giwu: an a Yehova Mungu mu.

1 Ubimo 15:30

pi dubo pa Yeroboam m’edubo, man m’eketho Israel udubo kudo, kum kier pare m’enyayu kudo ng’ecwiny i Yehova, Mungu mir Israel.

Nehemia 9:25

E gimaku adhura ma tek, ku ng’om ma mio, man gidoko weg udi m’uong’ ku gin ma ber ceke, ku pi ma juroo, ku podho mir ulok, man podho mir ulam, ku yen ma cego nyinge dupa: ka kumeno gicamu, e giyeng’, man gicwe, ginyayu anyong’a i igi de kum bero peri ma dit.

Yeremia 7:26

ento giwinjo dwanda ngo, kadi giciko ithgi de ngo, ento gidwoko ng’utgi tek: gitimo rac ma sagu kwarugi.