1 Ubimo 13:6 - The Holy Bible In Alur (Lur) Revised Orthography

⁶ Man ubimo loko lembe ewacu de ni dhanu pa Mungu kumae, Kawono kwai bero pa Yehova Mungu peri, man irwo pira, kara cinga dwog ira kendo kakare. E dhanu pa Mungu kwayu Yehova, man cing ubimo dwogo kendo ire kakare, man edoko calu ma naka ebedo.

1 Ubimo 13:6 ပူးပေါင်းရင်းမြစ်များ

1 Ubimo 13:5

Pemblam bende ung’eny, man vuru oi woko ku wi pemblamne, calku lembanyutha ma dhanu pa Mungu mio ku lembe pa Yehova.

Zaburi 119:58

Akwayu bero peri kud adundena ceke: Bed ku kisa i kuma calku lembe peri.

Ai 10:17

Ka kumeno kawono, akwei, wek dubo para woko wang’ maeni kende, man wukwai Yehova Mungu mu, kara ekab tho maeni kud i bang’a kende.

Ai 12:32

Wugam udul rombe mu ku dhok mu, calu wuwacu, man wucidhi; man wumi mugisa ira bende.

Ai 8:28

E Farao wacu kumae, Abiweko wucidhi, kara wulam lam ni Yehova Mungu mu i langa; ento wubicidho bor hai ungo: wukwai pira.

Ai 8:4

ungwal bibino i wii de, man wi dhanu peri, man wi jutic peri ceke.

Ai 8:8

Farao lund ulwong’o Musa giku Harun, man ewacu kumae, Wukwai Yehova, kara ekab ungwal woko kud i bang’a, man ku ba dhanu para; e abiweko dhanu cidho, kara gilam lam ni Yehova.

Ai 9:28

Kwai Yehova; kum morpolo maeni pa Mungu romo man pei; man abiweko wucidhi, e wubidong’ kendo ngo.

Yeremia 37:3

E Zedekia m’ubimo oro Yehukal ma wod Celemia, man Zefania ma wod Maseya, ma jalam, ba jabila ma Yeremia, giwacu kumae, Kawono kwai Yehova Mungu mwa piwa.

Zekaria 7:2

Nie dhanu mi Beth-el gioro Carezer man Regemmelek, ku dhanu migi, kara gikwai ngisi pa Yehova,

Kitabu Mir Ang’wende Pa Musa Wel 12:13

E Musa Lwong’o Yehova, ewacu kumae, E Mungu, akwei, cange.

Kitabu Mir Ang’wende Pa Musa Wel 21:7

E dhanu bino ba Musa, man giwacu kumae, Wadubo, kum waweco rac kum Yehova, man i kumi; kwai Yehova, kara ekab thwol woko kud i bang’wa. E Musa rwo pi dhanune.

Matayo 5:44

endre awacu iwu kumae, Wumar judegiwu, wurwo de pi ju m’unyayu ragedo i kumwu;

Luka 23:34

E Yesu wacu kumae, Vwa, wek lem migi rwiny; kum ging’eyo ngo gin ma gitimo. Man gipoko kendi pare i kindgi, gigoyo ku jara.

Tic Mi Jukwenda 7:60

E erum piny, man ekok ku dwande ma tek kumae, Rwoth, kud iketh dubo maeni i kumgi. E kinde m’eyero maeni, enindo.

Tic Mi Jukwenda 8:24

E Simon udwoko lembe ewacu kumae, Wurwo pira ba Rwoth, kara gin ma wuwacu no moko kud uwok i kuma.

Jurumi 12:14

Mi mugisa ni ju m’unyayu ragedo i kumwu; mi mugisa, man kud wukwong’ kwrong’.

Jurumi 12:21

Tic ma rac kud uloi, endre isag tic ma rac ku bero.

Lembanyutha 3:9

Nen, amio ng’et cokri pa Jok, mi ju m’uwacu nia gi Juyahudi, enke gi kumeno ngo, ento gicwayu ndra; nen, abiketho gibino girwo de nyim tiendi, ging’ei de nia ameri.

1 Samwil 12:19

Man dhanune ceke giwacu ni Samwil kumae, Rwo ni Yehova Mungu peri pi jutic peri, kara ku watho; kum wamedo kum dubo mwa ceke kier maeni, ma wapenjo ko iwa ubimo.

1 Samwil 12:23

Mange ke pi an, dong’ ebed bor i kuma nia adub ni Yehova kuweko rwo piwu: ento abiponjowu i yo ma ber m’atira de.