1 Ubimo 11:7 - The Holy Bible In Alur (Lur) Revised Orthography

⁷ Suleman ulund ugomo ka ma malu ni Kemoc ma ginmajudagu mi Moab, wi got ma ni i wang’ Yerusalem, man ni Molek ma ginmajudagu mi nyithindho mir Amon.

1 Ubimo 11:7 ပူးပေါင်းရင်းမြစ်များ

Thangambere 33:2

Man eketho bong’ ku nyithindho migi gitelo yo, man Leya ku nyithindho pare yo ng’eigi, Rahel ku Yusuf de gidong’ cen.

2 Samwil 15:30

Man Daudi idho malu ku yo kum ka m’aidha mi got Zeituni, man ewotho ku ywak; man wie bedo auma, man ewotho ma wara mbe: e dhanu ceke ma gini karacelo kude giumo wigi kubang’gi kubang’gi, man giidho malu, e giwotho ku ywak.

1 Ubimo 11:5

Kum Suleman ucidho tok Actoroth ma mungu ma dhaku mi Jusidoni, man tok Milkom ma ginmajudagu mi Juamoni.

1 Ubimo 11:6

Man Suleman utimo gin ma rac i wang’ Yehova, man elubo ndhu Yehova ngo, calu Daudi ma won utimo.

1 Ubimo 11:8

Man etimo kumeca pi mon pare ceke ma juwirok, m’uwang’u udok ma ng’wice ng’ar man m’ulamu lam ni mungu migi.

1 Ubimo 15:12

Man ekabu jusodomi woko kud i ng’om, man ekabu mungu m’araga ceke woko ma kwaru mire timo.

2 Ubimo 23:10

Man ecido Tofeth, ma ni i poga mi nyithindho pa Hinom, kara ng’atu moko kud uketh wode kadi nyare ukadh kud i mac ba Molek.

2 Lemkei 21:11

Mange ke etimo ka ma malu wi gudi mi Yuda, man eketho ju m’ubedo i Yerusalem gitim tarwang’, e ecung’o Yuda utim kumeca.

Zaburi 78:58

Kum ginyayu ng’ecwiny i ie ku ka ma malu migi, Man ginyayu nyeko i ie kud ayi gin m’acwia m’ang’ika,

Isaya 44:19

E ng’atu moko mbe m’upoi, kadi ng’eyothelembe de mbe ma giwac ko kumae, A wang’u ng’ete i mac; eyo, atedo kwen de wi cukmaje; avulo ring’o man acame: man abitimo donge m’udong’ ni ginmajudagu? abipodho piny ni dund yeni?

Yeremia 32:31

Kum adhura maeni bedo ira ni gin ma nyayu ng’ecwiny para man kwinyo para gambre i ceng’ ma gigome cil i ceng’ ma tin; kara akabe kud i nyim wang’a,

Yeremia 32:35

Man gigomo ka ma malu pa Bal, ma ni i poga pa wod Hinom, kara uketh wotgi ku nyiggi kadh kud i mac ba Molek; m’ang’olo igi ngo, kadi emondo i pidoic para de ngo, ma nia gitim ginmajudagu maeni, kara uketh Yuda dubi.

Yeremia 48:13

E lewic binego Moab kum Kemoc, calu lewic unego ot mir Israel kum Beth-el ma genogen migi.

Yeremia 48:46

Can i wii, E Moab! dhanu mi Kemoc uvoc; kum jumaku woti ni ng’eca, man nyigi i ng’eca.

Ezekiel 18:12

man etimo rac kum jacan ku jacanpiny, egamu de ku kuvuga, man edwoko mukwatu de ngo, man eting’o wang’e malu ba mungu m’araga, etimo ginmajudagu,

Daniel 11:31

Man njuru asikari bicungo i kume, man gibicido kamaleng’, cil ot ma tek, man gibikabu lam m’awang’a ma thiri thiri woko, man gibiketho ginmajudagu ma timo uvuru ucungi.

Daniel 12:11

Man ugambre i nindo ma lam m’awang’a ma thiri thiri bikabre ie woko, man ginmajudagu ma ketho uvuru bicungo, ceng’ bibedo rubanga acel ku dak ario ku pier abung’wen.

Lembe Mi Julawi 26:30

E abinyotho ka ma malu mu, man abing’olo ayi m’acwia mi ceng’ mu piny, man abibayu avujwu wi kum mungu m’araga mu; e ng’eyong’ec para bidagu wu.

Mika 1:5

Maeni ceke wok kum gondri pa Yakobo, man kum dubo mi ot mir Israel. Gondri pa Yakobo en e ang’o? en e Samaria ngo? man ka ma malu pa Yuda ang’o? gi Yerusalem ngo?

Zekaria 14:4

E tiende bicungo i ceng’ maeca wi got Zeituni, ma eni i wang’ Yerusalem ma yo nyangu; e got Zeituni bikak i diere yo nyangu man yo reto, man poga ma dit bibedo nuti; man ng’et got bicoro yor ariwa ma malu, man ng’ete yor ariwa ma yo piny.

Kitabu Mir Ang’wende Pa Musa Wel 21:29

Can i wii, Moab! Inyothri, E dhanu mi Kemoc: Emio wote calu ju m’uringo, Man nyige ni ng’eca, Ni Sihon m’ubimo mi Juamori.

Kitabu Mir Ang’wende Pa Musa Wel 33:52

wubilund riemo dhanu m’i ng’ombe ceke woko kud i weng’wu, man wubinyotho kidi migi ceke m’ang’ika, man wubinyotho ayi m’acwia migi ceke m’atwaga, man wubinyotho ka ma malu migi ceke:

Matayo 26:30

E ka giwero wer, giwok woko gicidho wi got Zeituni.

Tic Mi Jukwenda 1:12

Gilund gidok Yerusalem ma giai ko wi got Zeituni, m’e kago ku Yerusalem, woth ma juwotho ko mi ceng’ sabatu.

Tic Mi Jukwenda 1:9

E kan edaru yero lembe maeni, kinde ma gibenene, e juting’e malu; afuru de jole kud i wang’gi.

Tic Mi Jukwenda 7:43

Man wuting’o hema pa Molok, Ku cero mi mungu ma Refan bende, Ayi gin ma wutimo ya wurwo i bang’gi: E abiterowu cen ng’ei Babeli.

Poi Mi Cik 13:14

ilund ipenj, iyeny de, man ipenj cu; man, nen, tek en e andha, man ginde piembre ngo, nia wadi ginmajudagu timbre i kindi,

Poi Mi Cik 27:15

Kwong’ ubed wi ng’atu m’utimo ayi m’acwia m’ang’ika kadi m’atwaga, en e ginmajudagu ni Yehova, tic mi cing’ jabodho, man eting’e malu ling’. E dhanu ceke gibiloko lembe gibiwacu kumae, Amen.

Jupoklembe 11:24

Ibicamu maeno ngo ma Kemoc ma mungu peri mio iri icami? Kum kumeno ng’atu ma Yehova Mungu mwa kabu piny pare woko kud i bang’e i wang’wa, maeno wabicamu.