1 Ubimo 10:9 - The Holy Bible In Alur (Lur) Revised Orthography

⁹ Mugisa bed ni Yehova Mungu peri, m’enwang’u mutoro ii, ketho ekethi wi komker mir Israel: kum Yehova maru Israel mi nja, ka kumeni ekethi ni ubimo, kara itim pokolembe ku bedopwe.

1 Ubimo 10:9 ပူးပေါင်းရင်းမြစ်များ

2 Samwil 23:3

Mungu mir Israel uwacu kumae, Cana mir Israel uweco i bang’a: Ng’atu m’ubimo wi dhanu pwe, M’ubimo ku lworo pa Mungu,

2 Samwil 5:12

Man Daudi ng’eyo nia Yehova kethe ni ubimo wi Israel, man nia edodo ker pare ni kum dhanu pare ma Israel.

2 Samwil 8:15

Man Daudi camu ker wi Israel ceke; man Daudi poko lembe cu man pwe ba dhanu pare ceke.

1 Ubimo 3:28

E Israel ceke winjo pi lembapoka m’ubimo poko; e gilworo ubimo: kum gineno nia rieko pa Mungu ni i ie, kara utim lembapoka ma pwe.

1 Ubimo 5:7

Man etimbre, kinde ma Hiram uwinjo lembe pa Suleman, nia anyong’a nege dit, man ewacu kumae, Mugisa ni Yehova i ceng’ maeni, m’emio ni Daudi wode ma riek wi dhanu maeni ma dit.

I Lemkei 17:22

Kum dhanu peri Israel idwoko ni dhanu peri mi nja; man in, Yehova, idoko Mungu migi.

2 Lemkei 2:11

Huram m’ubimo mi Turo lund uloko lembe i lembagora, m’eoro ni Suleman kumae, Kum Yehova maru dhanu pare, ekethi ni ubimo i wigi.

Zaburi 18:19

Ewodha bende i ka ma lac; Ebodha, kum anyong’a nege i kuma.

Zaburi 22:8

Egeno Yehova, ya ebodhe: Wek ebodhe, kum mutoro nege i kume.

Zaburi 72:2

Ebipoko lembe mi dhanu peri ku bedopwe, Man jucan peri ku lembapoka.

Isaya 42:1

Nen, jatic para, m’ajengo; ng’atu m’afoya para, ma anyong’a nego cwinya i kume: aketho Tipo para i wie; ebikelo pokolembe ba Thekdhanumange.

Isaya 62:4

Jubilwong’i Udhuru kendo ngo; kadok ng’om peri de jubilwong’o Uvuru kendo ngo: ento jubilwong’i Hefziba, man ng’om peri Beyula; kum anyong’a nego Yehova i kumi, man ng’om peri bigambre.

Isaya 9:6

Kum nyathin unyole iwa, man nyathin ma nico mire iwa; e bim bibedo wi goke: man jubilwong’o nyinge Wang’uic, Japorlembe, Mungu ma Jatego, Wego mi Nja, Jaditmawijo mi Kwiocwiny.

Isaya 9:7

Kajik mi nyai mi bim pare man mi kwiocwiny bibedo mbe, wi komker pa Daudi, man wi ker pare, kara uketh ecungi, man kara ujenge ku pokolembe man ku bedopwe ugambre kawono cil nja. Ngiri pa Yehova mir udul bitimo maeni.

Yeremia 31:3

Yehova wok i bang’a con, ewacu kumae, Eyo, ameri ku mer mi nja: ka kumeno apei ku mer mi bero.

Malaki 1:2

Amaruwu, Yehova wacu. Ento wuwacu kumae, Imaruwa ni kum ang’o? Esau en e umin Yakobo ngo? Yehova wacu: ento amaru Yakobo:

Poi Mi Cik 7:8

ento kum Yehova maruwu, man kum eyenyo etim kwong’ m’ekwong’o ni kwaruwu, Yehova wodhowu woko ku cing’ ma tek, man ewaruwu kud i ot mi ng’eca, kud i cing’ Farao m’ubimo mi Misiri.