1 Ubimo 10:1 - The Holy Bible In Alur (Lur) Revised Orthography

¹ Man kinde m’ubimo ma dhaku mi Ceba winjo rwonglembe pa Suiej man pi nying’ Yehova, ebino kara emule; ku penji ma tek.

1 Ubimo 10:1 ပူးပေါင်းရင်းမြစ်များ

Thangambere 10:28

man Obal, man Abimael, ku Ceba,

Thangambere 10:7

Man wot Kuc gi eni: Seba, man Havila, man Sabta, ku Rama, man Sabteka; man wot Rama gi eni: Ceba, man Dedan.

Thangambere 25:3

Man Yokcan unyolo Ceba, man Dedan. E wot Dedan gi Juascuri, man Juletuci, ku Juleumi.

1 Ubimo 10:24

Man ng’om ceke giyenyo gibed i vut Suleman, kara giwinj rieko pare, ma Mungu ketho i adundene.

1 Ubimo 4:31

Kum e riek ma sagu dhanu ceke; ma sagu Ethan ma Jaezrahi, man Heman, ku Kalkol, man Darda, ma wot Mahol: man pire yik i thek ceke m’utieke gbur.

1 Ubimo 4:34

Man kind kodhidhanu ceke gibino kara giwinj rieko pa Suleman, ku bang’ ubimo ceke m’i ng’om, m’uwinjo pi rieko pare.

1 Ubimo 5:14

Man eorogi i Lebanon, ku ba dwi dhanu rubanga apar m’alawa; dwi acel gibedo i Lebanon, man dwi ario gibedo pacu: man Adoniram ni wi dhanu ma jukethogi kum tic ma jumuli ko.

Kitabu Pa Yob 28:28

Man ewacu kumae ni dhanu, Nen, lworo Rwoth, en e rieko; Man weko dubo en e ng’eyothelembe.

Kitabu Pa Yob 6:19

Juwoth mi Tema gineno, Njuru dhanu pa Ceba gikurogi.

Zaburi 49:4

Abileng’o itha kum lembabola: Abiyabu lembayera para m’amung’a wi adungu.

Zaburi 72:10

Ju m’ubimo mi Tarcic man mi songa gibikelo ajok: Ju m’ubimo mi Ceba ku Seba gibithiero girathiera.

Zaburi 72:15

Man gibibedo kwo; man jubimio ire kum mola ma kwar mi Ceba: Man dhanu birwo pire thiri thiri; Gibimio mugisa ire ceng’ du.

Isaya 60:6

Udul mi ngamia biumi, ngamia m’aradu mi Midian man Efa; gin ceke m’uai i Ceba bibino; gibikelo mola ma kwar kud udok ma ng’wice ng’ar, man gibiyero pi pak pa Yehova.

Yeremia 6:20

Udok ma ng’wice ng’ar ubino i bang’a m’uai i Ceba pirang’o, ku thiang’ kud i ng’om ma bon? Lam m’awang’a mu yire ngo, kadi lam mu de nyayu mutoro i ia ngo.

Ezekiel 16:14

Man rwongi yik i kind thek kum leng’kumi; kum ebedo ndhu cu, ni kum dwong’ para m’aketho i wii, Rwoth Yehova wacu.

Ezekiel 38:13

Ceba, man Dedan, ku jukuloka mi Tarcic, karacelo ku nyithindh umvor m’aradune ceke, gibiwacu iri kumae, Ibino kara iyak ayeki? icoko njuru dhanu peri kara igam amaci? kara igam mola ma tar ku mola ma kwar, kara igam lim ku piny, kara iyak ayeki ma diti?

Matayo 12:42

Ubimo ma dhaku ma yor ariwa ma yo piny bicungo i pokolembe karacelo ku dhanum’utuk maeni, man ebipoko lembe i wie rac: kum eai i tung’ ng’om kara ewinj rieko pa Suleman; man nen, ng’atu ma sagu Suleman ni keni.

Matayo 13:11

Man eloko lembe ewacu igi kumae, Ecibre iwu ya wung’ei giramung’a mi ker m’i polo, endre ecibre ngo igi.

Matayo 13:35

kara lembe ma yang’ jabila yero timbre kakare, m’ewacu kumae, Abialu dhoga ku lembabola; Abiweco pi gin m’ugamu pandre cil i thekri mi ng’om.

Marko 4:34

man eyero igi ngo ma ku lembabola ngo: ento ni julubne ekoro igi there ceke nyalwe.

Luka 11:31

Ubimo ma dhaku ma yor ariwa bicungo i pokolembe ku dhanum’utuk maeni, man ebipoko lembe i wigi rac: kum eai tung’ ng’om niwinjo rieko pa Suleman; man nen, ng’atu ma sagu Suleman ni keni.

Yohana 17:3

E kwo ma rondo ku rondone e eni, nia ging’ei in m’i Mungu mandha i kendi, ku ng’atu m’ioro, ma Yesu Kristu.