1 Samwil 9:5 - The Holy Bible In Alur (Lur) Revised Orthography

⁵ Kinde ma gibino ba ng’om Zuf, Saul uwacu ni jatic pare ma ni bang’e kumae, Bin, wadoki, vwa maru weko pido pi kana, man cwinye maru ringo i kumwa.

1 Samwil 9:5 ပူးပေါင်းရင်းမြစ်များ

Matayo 6:25

Ka kumeno awacu iwu kumae, Cwinywu kud uring pi kwo mu, nia girang’o ma wubicamu, kadi girang’o ma wubimadhu; kadok pi kumwu, nia girang’o ma wubikendo. Kwo sagu cam ungo, kum de sagu kendi ngo?

Matayo 6:28

Cwinywu beringo nedi kum kendi? Dong’ iwu pid pi thiuboko m’i thim, maram gidongo ko; gitimo tic ungo, kadok acwia de gicwio ngo:

Matayo 6:34

Ka kumeno cwinywu kud uring pir urwo: kum urwo biringo ku cwinye gire. Dubo ma tin uromo ku tin.

Luka 12:11

Ka gibiterowu de i wang’ cokri, ku jubim, ku weg ng’ol de, cwinywu kud uringi maram wubiloko ko lembe, kadi ang’o ma wubiloko, kadi ang’o ma wubiyero:

Luka 12:22

Ewacu ni julubne kumae, Ka kumeno awacu iwu kumae, Cwinywu kud uring pi kwo mu, pi gin ma wubicamu; kadi pi kumwu, pi gin ma wubikendo.

1 Samwil 1:1

Nwang’u ng’atu moko nuti m’i Ramathaim-zofim, m’i ng’om gudi pa Efraim, man nyinge Elkana, ma wod Yeroham, ma wod Elihu, ma wod Tohu, ma wod Zuf, ma Jaefraimi:

1 Samwil 10:2

Kinde m’iai i bang’a tin, ibilund nwang’u dhanu ario ba liel pa Rahel, i kieu pa Benyamin i Zelza; e gibiwacu iri kumae, Kana m’icidho niyenyo junwang’ugi; man, nen, wuru weko pido pi kananegi, man cwinye beringo piri, ewacu kumae, Abitimo ang’o pi woda?