1 Samwil 9:21 - The Holy Bible In Alur (Lur) Revised Orthography

²¹ E Saul uloko lembe man ewacu kumae, An a Jabenyamini ngo, mi suru ma nok mir Israel ungo? man juot mwa e nok ma sagu juudi ceke mi suru pa Benyamin ungo? e kan iyero ira kumeni nedi?

1 Samwil 9:21 ပူးပေါင်းရင်းမြစ်များ

Zaburi 68:27

Benyamin ma nok en e jabim migi, Judongomawijo mi Yuda man juporlembe migi, Judongomawijo mi Zebulun, judongomawijo mi Naftali.

Zaburi 68:28

Mungu peri ng’olo pi tego peri: Dwok gin m’itimo iwa tek, E Mungu.

Hoseya 13:1

Kinde ma Efraim uweco, mielkum nuti; eyungre gire i Israel; ento kinde m’ekier kum Bal, etho.

Luka 14:11

Kum ku ba dhanu nzu m’utingre gire jubijwige: man ng’atu m’ujwigre gire jubiyunge.

Juefeso 3:8

Bero maeni jumio ira, an nini m’a nok ma sagu jumaleng’ ceke, ya ayer pi lonyo pa Kristu ma yenjre ngo ni Thekdhanumange;

1 Samwil 10:27

Ento dhanu moko ma kitgi mbe giwacu kumae, Ng’atu maeni bibodhowa nenedi? E gicaye, man gikelo ire moth moko de ngo. Ento eoyo lembene aoya.

1 Samwil 14:51

Man Kic en e won Saul; man Ner ma won Abner en e wod Abiel.

1 Samwil 15:17

Man Samwil uwacu kumae, Kafok i nok i weng’i giri, juketho ibed wi suru mir Israel ungo? Man Yehova wiri ni ubimo wi Israel;

1 Samwil 18:18

Man Daudi wacu ni Saul kumae, An a ng’a, man kwo para en e ang’o, kadi wat pa vwa i Israel, ma nia abed jalwod ubimo?

1 Samwil 18:23

Man jutic pa Saul giyero lembe maeni i ith Daudi. E Daudi wacu kumae, Bedo jalwod ubimo en e lembe ma nok kud i weng’wu, kum an a ng’atu ma jacan, man jufoya hai ungo?

1 Samwil 9:22

Man Samwil ugamu Saul ku jatic pare, man ekelogi i kusika mi welo, man eketho gijany i ka ma cu i kind ju ma julwong’o, ma gi ceng’ni dhanu pier adek.