1 Samwil 8:8 - The Holy Bible In Alur (Lur) Revised Orthography

⁸ Calku tic migi ceke ma gitimo ugambre i ceng’ m’akelogi malu kud i Misiri cil i ceng’ maeni, kum giweka, man gitimo ni mungu mange, e gitimo kumeca bende i beng’i.

1 Samwil 8:8 ပူးပေါင်းရင်းမြစ်များ

Zaburi 78:8

Man ku gibed calu kwaru migi, Dhanum’utuk ma juco man jung’ai, Dhanum’utuk ma yiko adundegi ngo, Man ma cwinygi moko ngo kum Mungu.

Ai 16:3

man nyithindho mir Israel uwacu igi kumae, Esagu tek watho i cing’ Yehova i ng’om Misiri, kinde ma wabedo dhu agulu mi ring’o, kinde ma wacamu kwen wayeng’; kum wukelowa i langa maeni, kara wuneg cokri maeni ceke ku kec.

Ai 17:2

Kum kumeno dhanu gidhau ni Musa, man giwacu kumae, Mi iwa pi kara wamadhi. E Musa wacu igi kumae, Nedi wudhau ira? nedi wubidho Yehova?

Ai 32:1

E kinde ma dhanu neno nia Musa galu ku loro piny ku wi got, dhanu gicokri gigi karacelo ba Harun, man giwacu ire kumae, Ai, tim iwa mungu, ma bitelo wiwa; kum pi Musa maeni, ma ng’atu m’uwodhowa kud i ng’om Misiri, wang’eyo gin m’uwok i kume ngo.

Yeremia 34:14

I kajik mi rtindi abiro kubeng’wu kubeng’wu ng’atuman bigonyo umin ma Jaebrania, ma jung’iewo i beng’i, man m’utimo iri rundi abusiel, ibigonye eai i beng’i: ento kwaruwu winjo dwanda ngo, kadok ithgi de giciko ngo.

Ezekiel 2:3

Man ewacu ira kumae, Wod dhanu, aori ba nyithindho mir Israel, ba thek ma juco, m’ujai ira: gin ku kwarugi gidubo ira cil i ceng’ maeni nini.

Kitabu Mir Ang’wende Pa Musa Wel 16:41

Ento urwone udul ceke mi nyithindho mir Israel, ging’ur kum Musa man kum Harun, giwacu kumae, Wunego dhanu pa Yehova.

Poi Mi Cik 9:24

Wujai ni Yehova ugambre i nindo m’amaku ng’eyowu i ie.

Jupoklembe 13:1

Man nyithindho mir Israel utimo gin ma rac kendo i wang’ Yehova, man Yehova kethogi i cing’ Jufilisti rundi pier ang’wen.

Jupoklembe 2:20

E ng’ecwiny pa Yehova opo kum Israel; man ewacu kumae, Kum thek maeni turo lembariba para m’ang’olo ni kwarugi, man giwinjo dwanda ngo;

Jupoklembe 4:1

Man nyithindho mir Israel utimo gin ma rac kendo i wang’ Yehova, nwang’u Ehud utho.

Jupoklembe 6:1

Man nyithindho mir Israel utimo gin ma rac i wang’ Yehova: man Yehova kethogi i cing’ Midian rundi abiro.

1 Samwil 8:7

E Yehova wacu ni Samwil kumae, Winj dwand dhanu i gin ceke ma giwacu iri; kum gikweri ngo, ento gikwera, kara kud abed ni ubimo i wigi.

1 Samwil 8:9

Ka kumeno kawono winj dwandgi: karacelo ku maeni ibiyero igi cu, man ibinyutho igi maram ubimo ma bibimo wigi bibedo ko.