1 Samwil 8:3 - The Holy Bible In Alur (Lur) Revised Orthography

³ E wote wotho i yo pare ngo, ento gilokri tok piny, man gigamu jamng’om, e ginyotho pokolembe.

1 Samwil 8:3 ပူးပေါင်းရင်းမြစ်များ

2 Samwil 15:4

Absalom uwacu kendo kumae, A dok ande juketho abed japoklembe i ng’om, kara dhanu ceke kubang’gi kubang’gi m’ubedo ku lem titi kadi lembe moko gicopo bino i bang’a, man kuno di apoko lembe migi pwe!

Zaburi 15:5

Ng’atu ma ketho sente pare ngo ni kuloka mir azindi, Kadi ma gamu sukulia ngo kum ju ma lembe mbe i wigi. Ng’atu ma timo gin maeni lembe biringo ku cwinye ki ngo.

Zaburi 26:10

Ma dubo ni i cing’gi, Man cinge ma yor acwic upong’ ku jamblembe.

Ai 18:21

Man ke ibinwang’u dhanu ma cu kud i kind dhanu ceke, wadi dhanu ma julwor Mungu, dhanu mandha, m’udagu azindi; man ibiketho wadi joni i wigi, kara gibed ni jego wi rubanga, jego wi dak, jego wi pier abic, man jego mir apar:

Ai 23:6

Kud inyoth lembapoka ma pwe pa jacan i lembe pare.

Ai 23:8

Man kud igam jamblembe: kum jamblembe eoro wang’ ju ma neno piny, man enyotho lembe mi ju ma pwe.

Eklizia 2:19

Man ng’a ng’eyo tek ebibedo ng’atu ma riek kadi jakasegu? ento ebibimo wi tic mi muli para ceke m’asendra i ie, man m’anyuthra ko gira riek the ceng’. Maeni bende en e gin ma ie nanu.

Isaya 1:23

Judongomawijo peri gijai, man gi juwadi jukwo; kubang’gi kubang’gi ng’atuman umaru jamng’om, man elubo tok sukulia: e gipoko lembe mi kic ungo, kadok lembe pa dhaku ma cware tho de wok i bang’gi ngo.

Isaya 33:15

Ng’atu ma wotho pwe, man ma weco atira; ng’atu m’udagu kuloka mi kuvuga, m’ukiro cinge kum gamu jamng’om, m’uculo ith kum winjo pi rimo, m’umio wang’e de kum neno wi dubo:

Mika 3:11

Juwicne poko lembe kum jamng’om, man julamne ponjo mi sukulia, jubilane de ewo lembe mi sente: ento gijengri kum Yehova, man giwacu kumae, Yehova ni i kindwa ngo? gin ma rac moko mbe ma bibino i kumwa.

Poi Mi Cik 16:19

Kud inyoth pokolembe: dhanu kud ubed tung’ tung’ i weng’i; kadi jambng’om de kud igam; kum jambng’om umo wang’ jurieko, man eloko lembe mi weg bedopwe.

1 Timoteo 3:3

ng’atu ma jakwakwa ngo wi pigulok, ma goyo jo de ngo; ento ng’atu ma mol, ma japiem ungo, ng’atu ma jamar sente hai ngo;

1 Timoteo 6:10

Kum mer ma jumaru ko sente en e ulag kwond dubo ceke: ma jumoko ma ava piny sagugi gikier kum yioyic, man gidhuiri gigi ku can ma dupa.

1 Samwil 12:2

Man kawono, nen, ubimo wotho i weng’wu; man an ati lwar ni i wia de; man, nen, wota gini karacelo kudu: man awotho i weng’wu ugambre i aradu para cil i ceng’ maeni.

1 Samwil 2:35

Man abiting’o ira jalam mandha, ma bitimo calku maeno ma ni i adundena man i pidoia: man abigomo ire ot ma tek; man ebiwotho i wang’ ng’atu m’awiro mi nja.