1 Samwil 8:18 - The Holy Bible In Alur (Lur) Revised Orthography

¹⁸ Man wubiywak i ceng’ maeca kum ubimo mu ma wugoyo wie iwu; man Yehova biloko lembe iwu ngo i ceng’ maeca.

1 Samwil 8:18 ပူးပေါင်းရင်းမြစ်များ

2 Lemkei 10:11

Nie tek vwa ketho mberembere ma pek i wiwu, abimedo wi mberembere mu: vwa goyowu ku del, ento abigoyowu ku ith.

Kitabu Pa Yob 27:8

Kum genogen pa ng’atu ma ayi Mungu mbe i kume ang’o, kadok egamu ire kuloka, Kinde ma Mungu kabu ng’eyong’ec pare woko?

Kitabu Pa Yob 27:9

Mungu biwinjo ywak pare, Kinde ma can uwok i kume?

Zaburi 18:41

Giywak, ento ng’atu moko mbe m’u bodho; Cil ba Yehova, ento eloko igi lembe ngo.

Lembrieko 21:13

Ng’atu ma tek culo ithe kum ywak pa jacan, En bende ebiywak, ento jubiwinje ngo.

Isaya 1:15

Man kinde ma wuthang’u cingwu, abipanu wang’a iwu; eyo, kinde ma wutimo rwo dupa, abiwinjo ngo: cingwu pong’ ku rimo.

Isaya 59:1

Nen, cing’ Yehova jik ungo, ma nia ecopo bodho ngo; kadok ithe de pek ungo, ma nia ecopo winjo ngo:

Isaya 8:21

E gibikadhu kud i ie, ma can unegogi hai kec de negogi; man ebitimbre nia, kinde ma kec ubinegogi, gibiywagri gigi, man gibikwong’o kwong’ kud ubimo migi man ku Mungu migi, e gibiloko wang’gi malu:

Ezekiel 8:18

Ka kumeno an bende abitimo ku kwinyo; wang’a biweko ngo, kadok ngisi de binega ngo; man kadok giywak i itha ku dwandgi ma tek, ento abiwinjogi ngo.

Mika 3:4

Gibilund ywak ba Yehova, ento ebiloko igi lembe ngo; eyo, ebipanu wang’e igi i nindo maeca, calu ma gitimo rac i giratima migi.

Luka 13:25

ka won ot uai malu, eciko dhugola de, man wumaku cungo woko, wudwong’o dhugola de, wuwacu kumae, Rwoth, yab iwa; man ebidwoko lembe ebiwacu iwu kumae, Ang’eyo wu ngo kadok ka ma wuai i ie de;

1 Samwil 8:17

Ebigamu apaje mir udul rombe mu: e wubibedo jutic pare.