1 Samwil 7:3 - The Holy Bible In Alur (Lur) Revised Orthography

³ Man Samwil uyero ni ot mir Israel ceke, ewacu kumae, Tek wulokru ba Yehova kud adundewu ceke, e dong’ wukab mungu ma juwirok kud Actaroth cen kud i kindwu, man wudwok adundewu ba Yehova, man wutim ire kende; e ebibodhowu kud i cing’ Jufilisti.

1 Samwil 7:3 ပူးပေါင်းရင်းမြစ်များ

Thangambere 35:2

Yakobo lund uwacu ni juode, ku dhanu ceke ma gini kude kumae, wucor mungu ma juwirok cen ma ni i kindwu, man wudwokru giwu leng’, wulok kendi mu de:

1 Ubimo 11:33

kum giweka, man girwo ni Actoroth ma mungu ma dhaku mi Jusidoni, ku Kemoc ma mungu mi Moab, man Milkom ma mungu mi nyithindho mir Amon; man giwotho i yo para ngo, kutimo gin m’atira i wang’a, man kuworo cik para ku lembapoka para, calu Daudi ma won utimo.

1 Ubimo 8:48

tek gidwogo i beng’i kud adundegi ceke man ku ng’eyong’ec migi ceke i ng’om mi judegi migi, m’uterogi ni ng’eca, man girwo i beng’i yo ba ng’om migi, m’imio ni kwarugi, adhura m’igoyo wie, man ot m’agomo pi nyingi:

2 Ubimo 17:39

ento wulwor Yehova Mungu mu; e ebibodhowu kud i cing’ judegi mu ceke.

2 Ubimo 23:15

Man ke eturo pemblam piny ma ni Beth-el, man ka ma malu ma Yeroboam ma wod Nebat, m’uketho Israel udubo, utimo, en e pemblam maeno ku ka ma malu de; e ewang’u ka ma malu man eode edoko ni utur, man ewang’u mungu m’araga.

I Lemkei 22:19

Kawono wuketh adundewu man cwiny wu uyeny Yehova Mungu mu; ka kumeno wuai, man wugom kamaleng’ pa Yehova Mungu, kara wukel sanduk mi lembariba pa Yehova, man agulu ma leng’ pa Mungu, i ot ma jubigomo ni nying’ Yehova.

I Lemkei 28:9

Man in, Suleman ma woda, dong’ ing’ei Mungu pa wuru, man itim ire kud adundeni ma cu man ku pidoic ma yot; kum Yehova yenyo i adunde ceke, man eng’eyo porolembe ceke mi pidoic. Tek iyenye, ebinwangre iri; ento tek iweke, ebibei woko mi nja.

2 Lemkei 19:3

Ento junwang’u gin ma ber i ii, kum ikabu mungu m’araga woko kud i ng’om man iketho adundeni kara iyeny Mungu.

2 Lemkei 20:33

Ento ka ma malu jukabu woko ngo: kadok dhanu de fodi giketho adundegi ngo kum Mungu pa kwaru migi.

2 Lemkei 30:19

m’uketho adundene kara uyeny Mungu, Yehova, Mungu pa kwaru pare, kadok judwoke leng’ ungo calku dwokrileng’ mi kamaleng’.

Lembrieko 16:1

Lembapora mir adunde en e mi dhanu; Ento lembaloka mi leb ai ba Yehova.

Isaya 55:7

dong’ jadubo wek yo pare, man won gondri pidoic pare; man wek edwog ba Yehova, e kisa binege i kume; man ba Mungu mwa, kum ebiweko ire ma gwei.

Yeremia 24:7

Man abimio igi adunde mi ng’eyo an, nia an a Yehova: man gibibedo dhanu para, man abibedo Mungu migi; kum gibidwogo i bang’a kud adundegi ceke.

Yeremia 36:3

Kuno nyo ot mi Yuda biwinjo lem ma rac ceke m’akeco ya abitimo i kumgi; kara gilokri kubang’gi kubang’gi ng’atuman kud i yo pare ma rac; kara awek kier migi ku dubo migi woko.

Yeremia 4:1

Tek ibidwogo, E Israel, Yehova wacu, tek ibidwogo i bang’a, man tek ibicoro ginmajudagu peri kud i wang’a; jubilund dakuwu ngo;

Ezekiel 14:6

Ka kumeno wac ni ot mir Israel kumae, Rwoth Yehova wacu kumae: Wudwogi, man wulokru giwu ku ba mungu m’araga mu; man wulok weng’wu cen ku ba ginmajudagu mu ceke.

Ezekiel 18:31

Wubai dubo mu ceke cen kud i kumwu, ma wudubo i ie; man wutim adunde ma nyen iwu ku tipo ma nyen: kum wubitho nedi, E ot mir Israel?

Hoseya 14:1

E Israel, dwog ba Yehova Mungu peri; kum ipodho kum kier peri.

Matayo 15:8

Dhanu maeni giyunga ku dendhoggi; Ento adundegi tung’ i kuma.

Matayo 4:10

Yesu lund uwacu ire kumae, Ai kakeni, Jok: kum egore kumae, Rwo ni Rwoth Mungu peri, man itim ire kende.

Matayo 6:24

Ng’atu moko mbe ma copo timo ni judongo ario: kum ebidagu acel, ebidong’ maru mucelo; kadi ebimoko bang’ acel, man ebicayu mucelo. Wucopo timo ni Mungu ku ni lonyo de ngo.

Luka 4:8

Yesu dwoko lembe ewacu ire kumae, Egore kumae, Rwo ni Rwoth Mungu peri, man itim ire kende.

Yohana 4:24

Mungu en e Tipo: man ju m’urwo ire gikogirwo be i tipo man i lemandha.

Poi Mi Cik 10:20

Lwor Yehova Mungu peri; tim ire, mok i kume, man ikwong’ ku nyinge.

Poi Mi Cik 13:4

Wulub tok Yehova Mungu mu, man wulwore, wugwok lembang’ola pare de, man wuwor dwande, wutim ire de, man wumok i kume.

Poi Mi Cik 4:29

Ento ku kuca ibiyenyo Yehova Mungu peri, e ibinwang’e, kinde m’iyenye kud adundeni ceke man ku ng’eyong’ec peri ceke.

Poi Mi Cik 6:13

Lwor Yehova Mungu peri; man itim ire, man ikwong’ ku nyinge.

Yocuwa 13:31

man ng’et Gilead, ku Actaroth, man Edrei, adhura mi ker pa Og i Bacan, en e mi nyithindho pa Makir ma wod Manase, en e mi ng’et nyithindho pa Makir calku wat migi.

Yocuwa 24:14

Ka kumeno kawono wulwor Yehova, man wutim ire umbe abombi man i lemandha; man wukab mungu ma kwaruwu timo igi loka Kulo, man i Misiri cen; man wutim ni Yehova.

Yocuwa 24:23

Ka kumeno kawono dong’ wucor mungu ma juwirok cen ma gini i kindwu, man wulok adundewu ba Yehova, Mungu mir Israel.

Jupoklembe 10:16

E gikabu mungu ma juwirok woko kud i kindgi, man gitimo ni Yehova; e cwinye dieng’ kum can mir Israel.

Jupoklembe 10:6

E nyithindho mir Israel utimo gin ma rac kendo i wang’ Yehova, man gitimo ni Balim, ku Actaroth, man mungu mi Cami, man mungu mi Sidon, ku mungu mi Moab, man mungu mi nyithindho mir Amon, man mungu mi Jufilisti; e giweko Yehova, man gitimo ire ngo.

Jupoklembe 2:11

E nyithindho mir Israel utimo gin ma rac i wang’ Yehova, man gitimo ni Balim;

Jupoklembe 2:13

Man giweko Yehova, e gitimo ni Bal ku Actaroth.

1 Samwil 31:10

Man giketho jambali pare i ot mi Actaroth; man ging’abu avuje kum gang’ mi Beth-can.