1 Samwil 7:2 - The Holy Bible In Alur (Lur) Revised Orthography

² Man etimbre, ugambre i ceng’ ma sanduk ubedo i Kiriath-yearim, nia nindo ton; kum en e rundi pier ario: man ot mir Israel ceke giywagu Yehova.

1 Samwil 7:2 ပူးပေါင်းရင်းမြစ်များ

I Lemkei 13:3

man wek wagemu sanduk pa Mungu mwa kendo i bang’wa: kum wayenyo i bang’e ngo i nindo pa Saul.

I Lemkei 13:5

Kum kumeno Daudi coko dhu Israel ceke karacelo, ugambre Cihor ma kulo mi Misiri cil kum kamondo mi Hamath, kara gikel sanduk pa Mungu kud i Kiriath-yearim.

Yeremia 26:20

Man ng’atu moko de nuti m’uewo lembe bende ku nying’ Yehova, en e Uria ma wod Cemaya mi Kiriath-yearim: man eewo kum adhura maeni man kum ng’om maeni calku lembe ceke pa Yeremia.

Yeremia 3:13

Ndhu tuc kier peri, m’idubo ko ni Yehova Mungu peri, man ilalu yo peri ba juwirok the yen m’udinyo kubang’e kubang’e, man wuworo dwanda ngo, Yehova wacu.

Yeremia 31:9

Gibibino ku ywak; man abitelo wigi ku kwac: abiketho giwotho ng’et kulo ma dit mi pi, i yo m’atira ma gibikier i ie ngo; kum an a Wego ni Israel, man Efraim en e kayu para.

Matayo 5:4

Mugisa ni ju ma can unegogi: kum gibijukri.

Yocuwa 9:17

E nyithindho mir Israel gitugo woth, man gitundo kum adhura migi i ceng’ mir adege. Nwang’u adhura migi en e Gibeon, ku Kifira, ku Beroth, man Kiriath-jearim.

Jupoklembe 2:4

Man etimbre, kinde ma malaika pa Yehova yero lembe maeni ni nyithindho mir Israel ceke, nia dhanune ting’o dwandgi malu, man giywak.

1 Samwil 7:1

E dhanu m’i Kiriath-yearim gibino, man gitero sanduk pa Yehova malu, man gitere i ot pa Abinadab wi ungulu got, man gidwoko Eleazar ma wode leng’ kara egwok sanduk pa Yehova.

1 Samwil 7:3

Man Samwil uyero ni ot mir Israel ceke, ewacu kumae, Tek wulokru ba Yehova kud adundewu ceke, e dong’ wukab mungu ma juwirok kud Actaroth cen kud i kindwu, man wudwok adundewu ba Yehova, man wutim ire kende; e ebibodhowu kud i cing’ Jufilisti.