1 Samwil 6:5 - The Holy Bible In Alur (Lur) Revised Orthography

⁵ Kum kumeno wubitimo ayi vur mu, man ayi uyo m’i lum mu m’unyotho ng’om; man wubimio dwong’ ni Mungu mir Israel: kuno nyo ebidwoko cinge yot kud i kumwu, man kud i kum mungu mu, man kud i kum ng’om mu.

1 Samwil 6:5 ပူးပေါင်းရင်းမြစ်များ

I Lemkei 16:28

Wumi dwong’ ni Yehova, wu wat kodhidhanu, Wumi dwong’ ku tego ni Yehova;

I Lemkei 16:29

Wumi ni Yehova dwong’ m’uromo ku nyinge: Wukel lam, man wubin i wang’e; Wurwo ni Yehova ku bero mi leng’.

Zaburi 18:44

Kinde ma giwinjo pira gibiwora; Juwirok gibijwigri gigi ira.

Zaburi 32:4

Kum cingi bedo pek i wia dieceng’ ku diewor: Kuma m’ukwio lokre ni lietho ma kec mi oro. [Sela.

Zaburi 39:10

Kab goc peri i bang’a: Ayeu ku goc mi cingi.

Zaburi 66:3

Wuwac ni Mungu kumae, Tic peri gin ung’oindiri mire ma! Ni kum tego peri ma dit judegi peri bimondo gigi i beng’i.

Ai 12:12

Kum abikadhu kud i ng’om Misiri ku diewor maeno, man abigoyo kayu ceke m’i ng’om Misiri, dhanu ku lim; man abitimo lembapoka kum mungu ceke mi Misiri: an a Yehova.

Ai 8:17

E gitimo kumeca; e Harun urieyo cinge kud uluth pare, man egoyo utur mi ng’om, e nyogo bedo nuti kum dhanu, man kum lim; utur ceke mi ng’om udoko ni nyogo i ng’om Misiri ceke ndri ndri.

Ai 8:24

E Yehova timo kumeca; e udul ulwang’ni ma rac ubino i ot pa Farao, man i udi mi jutic pare: man i ng’om mi Misiri ceke ng’om unyothre ni kum udul ulwang’ni.

Ai 8:5

E Yehova wacu ni Musa kumae, Wac ni Harun kumae, Riei cingi kud uluth peri wi kulo, man wi pi, man wi kut, man keth ungwal uidh wi ng’om mi Misiri.

Isaya 19:1

Ewolembe ma pi Misiri. Nen, Yehova wotho ku wi afuru ma wil wil, man ebino ba Misiri: e kum mungu m’araga mi Misiri bimiel i vute; man cwiny Misiri bing’oi i diere.

Isaya 42:12

Wek gimi dwong’ ni Yehova, man giyer pak pare i cula.

Yeremia 13:16

Mi dwong’ ni Yehova Mungu mu, ma fok’ewodho mudho, man ma fodi tiendwu kukier ungo wi gudi mi mudho, man, kinde ma wukio der, eloke ni tipopiny mi tho, man edwoke ni mudho ma bii.

Yeremia 3:13

Ndhu tuc kier peri, m’idubo ko ni Yehova Mungu peri, man ilalu yo peri ba juwirok the yen m’udinyo kubang’e kubang’e, man wuworo dwanda ngo, Yehova wacu.

Yoel 2:25

Man abidwoko iwu rundi ma bonyo camu i ie, ku nyathi bonyo, man nyathin abirbir, ku kukun, njuru asikari para ma dit m’aoro i kindwu.

Yona 3:9

Ng’a m’ung’eyo tek Mungu bilokre ngo, biloko cwinye de, biweko lak kwinyo pare woko kara ku warwinyi?

Malaki 2:2

Tek wubiwinjo ngo, man tek wubiketho cwinywu i kume ngo, kara wumi yung ni nyinga, Yehova mir udul uwacu, abilund oro kwong’ i wiwu, man abikwong’o mugisa mu; eyo, adaru kwong’ogi, kum wuketho cwinywu i kume ngo.

Kitabu Mir Ang’wende Pa Musa Wel 33:4

kinde ma Jumisiri beyiko kayu migi ceke, ma Yehova goyo i kindgi: Yehova poko lembe wi mungu migi bende.

Yohana 9:24

Ka kumeno gilwong’o ng’atu ma yang’ wang’e cor wang’ arionde, giwacu ire kumae, Mi yung ni Mungu: wang’eyo nia ng’atuni en e jadubo.

Yocuwa 7:19

E Yocuwa wacu ni Akan kumae, Woda, akwei, mi dwong’ ni Yehova, Mungu mir Israel, man ituc ire; yer ira kawono pi gin m’itimo; kud imung’e ira.

Lembanyutha 11:13

Man i saa maeno digidi ma dit uyengre, man theng adhura mir apaje podho; man dhanu rubanga abiro tho ku digidine: e dong’ dhanu m’udong’ lworo makugi, man gimio dwong’ ni Mungu mi polo.

Lembanyutha 14:7

man ewacu ku dwal ma dit, Wulwor Mungu, man wumie dwong’: kum saa mi pokolembe pare wok: man wurwo ni ng’atu m’ucwio polo ku ng’om ku nam ku kulo ma dhenyni bende.

Lembanyutha 16:9

E dhanu wang’ ku lietho ma dit: man gicido nying’ Mungu m’e won tego wi masendi maeni; man giloko cwinygi ngo nimie dwong’.

1 Samwil 5:11

Ka kumeno gioro kwenda, man gicoko judongo ceke mi Jufilisti karacelo, man giwacu kumae, Wudwok sanduk pa Mungu mir Israel; man wek ecidh kendo i kakare ma dhe, kara kud enegwa, ku dhanu mwa. Kum ang’abacwiny mi tho nuti i adhura ceke mba mba; cing’ Mungu bedo pek dit keca.

1 Samwil 5:9

Man ebedo kumeno, nia, yo ng’ei tere kuca, cing’ Yehova bedo kum adhurane kud ang’abacwiny ma dit apila: man egoyo dhanu mir adhurane, ma thindho ku ma dongo de; e vur ma thong’om uluro i kumgi.

1 Samwil 6:8

man wuting’ sanduk pa Yehova man wukethe wi magali; e wuketh ruko mi mola ma kwar ma wudwoko i bang’e ni girathiera mi kier, i katoko i ng’ete; man wuore, kara ecidhi.