1 Samwil 6:3 - The Holy Bible In Alur (Lur) Revised Orthography

³ Man giwacu kumae, Tek wudwoko sanduk pa Mungu mir Israel, kud wudwoke mananu; ento wudwok ire girathiera mi kier andhandha: e kumwu bilund kei, man wubing’eyo nia cinge ai ungo kud i kumwu nedi.

1 Samwil 6:3 ပူးပေါင်းရင်းမြစ်များ

Kitabu Pa Yob 10:2

Abiwacu ni Mungu kumae, Kud igonja; Nyuth ira gin m’i-ii kuda pire.

Ai 23:15

Kwir agba mi kwen ma thobi mbe i ie: cam kwen ma thobi mbe i ie ceng’ abiro, calu ang’olo iri, i nindo ma jung’olo i dwi Abib (kum iai woko kud i Misiri i ie); man ng’atu moko kud uwok i wang’a ma cinge nanu:

Ai 34:20

War kayu mi kana ku nyathi rombo: man tek iware ngo, ilund itur ng’ute. War kayu ceke mi woti. Man ng’atu moko mbe ma biwok i wang’a ma cinge nanu.

Ai 8:15

Ento ka Farao neno nia kayom nuti, edwoko adundene tek, man ewinjogi ngo; calu Yehova yero.

Lembe Mi Julawi 5:6

man ebikelo lam pare mi kadhukuwicik ni Yehova kum dubo pare m’edubo, vong’ ku kind udul rombe, nyathi rombo kadi nyathi diel, ni lam mi dubo; e jalam bitimo adunya ire pi dubo pare.

Lembe Mi Julawi 6:6

Man ebikelo lam mi kadhukuwicik pare ni Yehova, nyog rombo ma mulima mbe i kume ku kind udul rombe, calku kwanuwel peri, ni lam mi kadhukuwicik, ba jalam:

Poi Mi Cik 16:16

Wang’ adek i rundi acel dhanu peri ma co ceke biwok i wang’ Yehova Mungu peri i ka m’ebigoyo wie: i agba mi kwen ma thobi mbe i ie, man i agba mi yenga, man i agba mi otbak; man ku giwok i wang’ Yehova ma cing’gi nanu:

1 Samwil 5:11

Ka kumeno gioro kwenda, man gicoko judongo ceke mi Jufilisti karacelo, man giwacu kumae, Wudwok sanduk pa Mungu mir Israel; man wek ecidh kendo i kakare ma dhe, kara kud enegwa, ku dhanu mwa. Kum ang’abacwiny mi tho nuti i adhura ceke mba mba; cing’ Mungu bedo pek dit keca.

1 Samwil 5:7

Man ka dhanu m’i Acdod gineno nia ebedo kumeni, giwacu kumae, Sanduk pa Mungu mir Israel bibedo karacelo kudwa ngo; kum cinge bedo tek i wiwa, man wi Dagon ma mungu mwa.

1 Samwil 5:9

Man ebedo kumeno, nia, yo ng’ei tere kuca, cing’ Yehova bedo kum adhurane kud ang’abacwiny ma dit apila: man egoyo dhanu mir adhurane, ma thindho ku ma dongo de; e vur ma thong’om uluro i kumgi.

1 Samwil 6:8

man wuting’ sanduk pa Yehova man wukethe wi magali; e wuketh ruko mi mola ma kwar ma wudwoko i bang’e ni girathiera mi kier, i katoko i ng’ete; man wuore, kara ecidhi.

1 Samwil 6:9

Man wunen; tek eidho malu ku yo mi kieu pare gire ba Beth-cemec, e nwang’u etimo gin ma rac apila maeni en i kumwa: ento tek ungo, wabilund ng’eyo nia en e cinge ngo m’ugoyowa; nwang’u en e thotok m’uwok i kumwa.