1 Samwil 6:14 - The Holy Bible In Alur (Lur) Revised Orthography

¹⁴ Man magali bino i podho pa Yocuwa ma Jabeth-cemi, e ecungo keca, ka ma kidi ma dit ni i ie: e gitong’o yen mi magaline, man githiero dhiange ni girathiera m’awang’a ni Yehova.

1 Samwil 6:14 ပူးပေါင်းရင်းမြစ်များ

2 Samwil 24:18

E Gad ubino i ceng’ maeca ba Daudi, man ewacu ire kumae, Idh malu, man igur pemblam ni Yehova wi lelacam pa Arauna ma Jayebusi.

2 Samwil 24:22

Man Arauna wacu ni Daudi kumae, Wek rwoth para m’ubimo gam man ethier gin m’ubedo ber ire: nen, koni dhiang’ ni lam m’awang’a, ku jamfodo man mberembere mi koni dhiang’ ni yende:

2 Samwil 24:25

Man Daudi guro pemblam keca ni Yehova, man ethiero lam m’awang’a ku lam mi kwiocwiny. Kum kumeno Yehova winjo lembe ma pi ng’om, e thong’ombe jik kum Israel.

1 Ubimo 19:21

E edok ku ba lubo toke, man egamu koni dhiang’ ma ku mberembere e enegogi, man etedo ring’ gi ku jamtic mi koni dhiang’, e emio ni dhanu, man gicamu. Elund eai, man elubo tok Elia, e etimo ire.

Ai 20:24

Tim pemblam mi ng’om ira, man ilam lam m’awang’a peri i wie, ku lam mi kwiocwiny peri, rombe peri, ku koni dhiang’ peri: ku ba ka ceke m’aketho jupoi pi nyinga i ie abibino i beng’i man abimio mugisa iri.

Jupoklembe 21:4

Man etimbre urwone, nia dhanu giai malu pir kugweno, man giguro pemblam keca, man githiero lam m’awang’a ku lam mi kwiocwiny.

Jupoklembe 6:26

man igur pemblam ni Yehova Mungu peri i wi ka ma tek maeni, kubang’e kubang’e, man igam thwon dhiang’ mir arionde, man ithier lam m’awang’a ku yen mi mungu m’araga m’ibing’olo.

1 Samwil 11:5

Man, nen, Saul ubino m’ebelubo tok koni dhiang’ kud i podho; man Saul uwacu kumae, Ang’o timo dhanu ketho gibeywaki? E giyero ire lembe mi dhanu ma Yabec.

1 Samwil 20:29

man ewacu kumae, Wek acidhi, akwei; kum wat mwa gibedo ku lam i adhura; man umira ng’olo ira nia abed kuca: man kawono tek anwang’u bero i weng’i, wek acidhi, akwei, man anen utumira. Ka kumeno ebino ngo dhu mesa p’ubimo.

1 Samwil 6:13

Man ju m’i Beth-cemec gibenyaru nganu migi i poga; e giting’o wang’gi malu, e gineno sanduk, man anyong’a negogi ka ginene.

1 Samwil 6:18

man uyo m’i lum mi mola ma kwar, calku wel mir adhura ceke mi Jufilisti ma mi rwodhi abic, mir adhura ma tek man mi pacu m’i thim, cil kum kidi ma dit, ma giketho sanduk pa Yehova i wie, ma kidine dong’ cil i ceng’ maeni i podho pa Yocuwa ma Jabeth-cemi.