1 Samwil 5:4 - The Holy Bible In Alur (Lur) Revised Orthography

⁴ Man ka giai pir kugweno urwone, nen, Dagon upodho arieba wang’e i ng’om i wang’ sanduk pa Yehova; man wi Dagon ku cinge ario de ung’ol uvuto wi riu mi dhugola; dund Dagon kende e m’udong’ ire.

1 Samwil 5:4 ပူးပေါင်းရင်းမြစ်များ

Isaya 27:9

Ka kumeno ku maeni kier pa Yakobo biwekre woko, man maeni en e nying’ ceke mi kabu dubo pare cen: nia edwoko kidi ceke mi pemblam calu kidi mi nunu ma juturo, ketho nia mungu m’araga kud ayi gin m’acwia mi ceng’ biai kendo ngo.

Isaya 40:20

Ng’atu ma jacan hai ma copo nwang’u girathiera ma calu maeni ngo efoyo yen ma bitop ungo; eyenyo ire jatic ma riek kara eketh ayi gin m’acwia m’ang’ika malu, ma jubidaku ngo.

Yeremia 10:11

Wubiwacu igi kumae nia mungu m’ucwio polo ku ng’om ungo, maeni birwinyo kud i ng’om, man kud i the polo.

Yeremia 10:14

Ku ba dhanu ku ba dhanu ng’atuman udoko calu lim man umbe ng’eyong’ec; ku ba jathiedh mola ma tar ayi gin m’acwia m’ang’ika pare nyayu lewic i wie; kum ayi gin m’acwia m’atwaga pare en e ndra, man yuyo moko mbe i igi.

Yeremia 10:15

Gi gin ma ie nanu, gi tic mir abombi: i nindo mi lieu migi gibirwinyo.

Yeremia 50:2

Wuyer i kind thek man wurwei, wuketh abera malu de; wurwei, man kud wumung’: wuwac kumae, Jumaku Babeli, junyayu lewic wi Bel, cwiny Merodak ung’abre; junyayu lewic wi ayi gin m’acwia pare, jurwombo mungu m’araga pare piny.

Daniel 11:8

Man mungu migi bende, kud ayi gin m’acwia migi m’atwaga, kud agulu migi ma beco mi mola ma tar ku mi mola ma kwar, ebiyaku ebitero i Misiri; man ebicere rundi moko ni ubimo ma yor ariwa ma yo malu.

Mika 1:7

Man ayi gin m’acwia m’ang’ika pare jubiodo nziki nziki, man sukulia pare ceke jubiwang’u ku mac, man abiketho mungu pare m’araga ceke bedo kende; kum ecokogi ku sukulia pa won asara, man gibidok ba sukulia pa won asara.

1 Samwil 6:5

Kum kumeno wubitimo ayi vur mu, man ayi uyo m’i lum mu m’unyotho ng’om; man wubimio dwong’ ni Mungu mir Israel: kuno nyo ebidwoko cinge yot kud i kumwu, man kud i kum mungu mu, man kud i kum ng’om mu.