1 Samwil 5:10 - The Holy Bible In Alur (Lur) Revised Orthography

¹⁰ Kum kumeno gioro sanduk pa Mungu i Ekron. Man etimbre, kinde ma sanduk pa Mungu bino Ekron, nia Juekroni giywak, giwacu kumae, Gikelo sanduk pa Mungu mir Israel i bang’wa, kara unegwa ku dhanu mwa.

1 Samwil 5:10 ပူးပေါင်းရင်းမြစ်များ

2 Samwil 7:9

man wabedo karacelo kudi i ka ceke m’icidho i ie, man akabu judegini ceke kud i weng’i; man abidwoki ni nying’ ma dit, calu nying’ ju ma dwong’ ma gini i ng’om.

2 Ubimo 1:2

Man Ahazia podho piny ku wang’ot i kusika pare ma malu ma ni i Samaria, e kume make: man eoro jukwenda, e ewacu igi kumae, Cidhi, wupenj ba Bal-zebub, ma mungu mir Ekron, tek abiboth ku tho maeni.

I Lemkei 7:21

man Zabad ma wode, man Cuthela ma wode, man Ezer, man Elead, ma dhanu mi Gath ma junyolo i ng’om unego, kum giloro piny nimayu lim migi.

Amos 1:8

Abikabu ng’atu m’ubedo i Acdod, man ng’atu m’umaku uluth mi ker kud i Ackelon; man abiloko cinga kum Ekron; man dong’ Jufilisti m’udong’ binyothre, Rwoth Yehova wacu.

Amos 6:2

Wukadh ba Kalne, e wunen; man ugambre kuca wucidh ba Hamath ma dit; wulund wulor piny ba Gath mi Jufilisti: gi ber ma sagu thek maeni? kadi kieu migi dit ma sagu kieu mu?

Yocuwa 13:3

ugambre kum Cihor, ma en e i wang’ Misiri, cil kum kieu mir Ekron yor ariwa ma malu, ng’om ma jukwane ni Jukanani; man rwodhi abic mi Jufilisti; en e Jugazi, man Juacdodi ku Juackeloni, man Jugiti, ku Juekroni; ku Juavi bende,

Yocuwa 15:11

man kieu wodhre yor ariwa ma malu ng’et Ekron; man kieu cidho kum Cikeron, e ekadhu kum got Bala, man ewodhre kum Yabnel; man kawok mi kieu en e dhu nam.

Yocuwa 15:45

Ekron, karacelo kud adhurane man pacune;

Jupoklembe 1:18

Yuda maku Gaza bende karacelo ku kieune, man Ackelon karacelo ku kieune, man Ekron ku kieune.

1 Samwil 17:52

E dhanu mir Israel ku pa Yuda de, giai malu, man giwoi, man gilubo tok Jufilisti, cil m’ibino ko ba Gai, man ba dhugang’ mir Ekron. Man Jufilisti ma jutong’o lero i kumgi gipodho piny dhu yo ma cidho Caraim, cu kum Gath, man kum Ekron.

1 Samwil 5:11

Ka kumeno gioro kwenda, man gicoko judongo ceke mi Jufilisti karacelo, man giwacu kumae, Wudwok sanduk pa Mungu mir Israel; man wek ecidh kendo i kakare ma dhe, kara kud enegwa, ku dhanu mwa. Kum ang’abacwiny mi tho nuti i adhura ceke mba mba; cing’ Mungu bedo pek dit keca.

1 Samwil 5:9

Man ebedo kumeno, nia, yo ng’ei tere kuca, cing’ Yehova bedo kum adhurane kud ang’abacwiny ma dit apila: man egoyo dhanu mir adhurane, ma thindho ku ma dongo de; e vur ma thong’om uluro i kumgi.

1 Samwil 6:1

E Sanduk pa Yehova bedo i ng’om mi Jufilisti dwi abiro.