1 Samwil 4:2 - The Holy Bible In Alur (Lur) Revised Orthography

² Man Jufilisti githeri gigi kum Israel: man kinde ma gikiedo, jugoyo Israel i wang’ Jufilisti; man ginego kind njuru asikari m’i thim m’uyenyo romo dhanu rubanga ang’wen.

1 Samwil 4:2 ပူးပေါင်းရင်းမြစ်များ

Ywak 3:40

Wek waponj yo mwa wamul, man walokra kendo ba Yehova.

Lembe Mi Julawi 26:37

Man gibipodho man wi wadi man wi wadi, calu i wang’ palamularu, kinde ma ng’atu moko lubo tokgi ngo: e tego mu bibedo mbe ma wucung ko i wang’ judegiwu.

Kitabu Mir Ang’wende Pa Musa Wel 14:45

Jaameleki lund uloro piny, ku Jakanani m’ubedo wi got maeca, man gigoyogi gifodogi piny de, cil kum Horma.

Yocuwa 7:12

Ka kumeno nyithindho mir Israel ucopo cungo ngo i wang’ judegi migi; giloko ng’eigi i wang’ judegi migi, kum gidoko ju ma kwong’ ni i wigi: wabibedo wakudu kendo ngo, tek wunyotho gin m’akwong’a ngo kud i kindwu.

1 Samwil 17:21

Man Israel ku Jufilisti githero lwiny, njuru asikari dhu njuru asikari.

1 Samwil 17:8

Man ecungo elwong’o ba njuru asikari mir Israel, man ewacu igi kumae, Wuloro piny nithero lwiny mu nedi? an a Jafilisti ngo, man wun wu jutic pa Saul ungo? wugoi wi ng’atu acel iwu, man wuwek elor piny i bang’a.

1 Samwil 4:1

Man lembe pa Samwil ubino bang’ Israel ceke. Nwang’u Israel ucidho kum Jufilisti i lwiny, man gigonjo i ng’et Eben-ezer: man Jufilisti gonjo i Afek.

1 Samwil 4:10

E Jufilisti gikiedo, man gigoyo Israel, man giringo kubang’gi kubang’gi ng’atuman ba hema pare: e nek ma dit apila nuti; kum dhanu mir Israel ma ku tielo podho rubanga pier adek.

1 Samwil 4:3

Man kinde ma dhanu bino i kagonjo, judongo mir Israel uwacu kumae, Nedi Yehova goyowa tin i wang’ Jufilisti? Dong’ wagemu sanduk mi lembariba pa Yehova kud i Cilo i bang’wa, kara ebin i kindwa, man elarwa kud i cing’ judegi mwa.