1 Samwil 4:15 - The Holy Bible In Alur (Lur) Revised Orthography

¹⁵ Nwang’u rundi pa Eli pier abung’wen wi abora; man wang’e cido, ketho nia ecopo neno piny ungo.

1 Samwil 4:15 ပူးပေါင်းရင်းမြစ်များ

Thangambere 27:1

Man etimbre, nia kinde ma Isak e uti, man wang’e neno piny via via, ketho nia ecopo neno piny ungo, elwong’o Esau ma wode ma jadit, man ewacu ire kumae, Woda: man ewacu ire kumae, Anuti.

1 Ubimo 14:4

E dhaku pa Yeroboam utimo kumeca, man eai, e ecidho Cilo, man ebino ba ot pa Ahija. Nwang’u Ahijane copo neno piny ungo; kum wang’e bedo via via ni kum tio pare.

Zaburi 90:10

Nindo mi rundi mwa gi pier abiro, Kadi ni kum tego rundi pier abora; Ento kuhaya migi tic mi muli ku can kende; Kum ecidho pio, man wacidho.

1 Samwil 3:2

E etimbre i nindo maeca, kinde ma Eli vuto i kakare (nwang’u wang’e maku doko via via, ketho ecopo neno ngo),

1 Samwil 4:14

Man kinde ma Eli winjo badwal mi ywakne, ewacu kumae, Badwal mi yakni maeni thelembene ang’o? E ng’atuno timo pio, man ebino eyero de ni Eli.