1 Samwil 4:13 - The Holy Bible In Alur (Lur) Revised Orthography

¹³ Man kinde m’ebino, nen, Eli bedo wi kom pare dhu yo m’ebekio; kum adundene bemiel kum sanduk pa Mungu. Man kinde ma ng’atuca ubino i adhura, man eyero pire, adhurane ceke ywak.

1 Samwil 4:13 ပူးပေါင်းရင်းမြစ်များ

Zaburi 26:8

Yehova, amaru kabedo mi ot peri, Man ka ma dwong’ peri bedo i ie.

Yeremia 48:19

E ng’atu m’ubedo i Aroer, cung i yo, man ikur: penj ng’atu m’uringo, man ng’atu m’uboth; wac kumae, Jutim ang’o?

Yocuwa 7:9

Kum Jukanani ku ju m’ubedo i ng’om ceke gibiwinjo pire, man gibitiekowa gbur man gibithumo nyingwa woko kud i ng’om: e ibitimo ang’o pi nyingi ma dwong’i?

1 Samwil 1:9

Kum kumeno Hana ai malu yo ng’ei ma gicamu i Cilo, man yo ng’ei ma gimadhu. Nie Eli ma jalam ubedo wi kom pare vut mbegi mi dhugola mi hekalu pa Yehova.

1 Samwil 4:14

Man kinde ma Eli winjo badwal mi ywakne, ewacu kumae, Badwal mi yakni maeni thelembene ang’o? E ng’atuno timo pio, man ebino eyero de ni Eli.

1 Samwil 4:18

E etimbre, kinde m’eyero pi sanduk pa Mungu, nia Eli podho ataru ku wi kom pare ng’et dhugang’; e ng’ute tur, man etho: kum en e dhanu m’uti, man e pek. Man nwang’u epoko lembe mir Israel rundi pier ang’wen.