1 Samwil 30:8 - The Holy Bible In Alur (Lur) Revised Orthography

⁸ Man Daudi penjo ba Yehova, ewacu kumae, Tek alubo tok udul maeni, abirubogi? Man eloko lembe ire kumae, Lub tokgi; kum ibirubogi andha, man gin moko mbe ma bidong’ m’ibigamu ngo.

1 Samwil 30:8 ပူးပေါင်းရင်းမြစ်များ

Thangambere 14:16

Man edwogo ku piny ceke, edwogo kud umin ma Lot bende, ku piny pare, ku mon bende, man dhanu.

2 Samwil 5:19

Man Daudi penjo ba Yehova, ewacu kumae, Abiidho malu kum Jufilisti? ibimiogi i cinga? E Yehova wacu ni Daudi kumae, Idh malu; kum abimio Jufilisti i cingi andha.

2 Samwil 5:23

Man ka Daudi penjo ba Yehova, ewacu kumae, Ibiidho malu ngo: lokri yor i ng’eigi, man ibin i wigi ku yo kum yen m’udinyo.

Zaburi 50:15

Man ilwong’a i ceng’ mi can: Abibodhi, man ibiyunga.

Zaburi 91:15

Ebilwong’a, e abidwoko ire lembe; Wabibedo wakude i can: Abibodhe, man abiyunge.

Ai 15:9

Jadegi wacu kumae, Abiriemo, abirubo, abipoko ayeki; Yeny ma ia yenyo biromo i kumgi: Abidhuyo palamularu para, cinga binyothogi.

Kitabu Mir Ang’wende Pa Musa Wel 27:21

Man ebicungo i wang’ Eleazar ma jalam, ma bipenjo pire ku lembapoka pa Urim i wang’ Yehova: ku lembe pare gibiwok woko, man ku lembe pare gibimondo, en, ku nyithindho mir Israel ceke karacelo kude, cil udul ceke.

Jupoklembe 20:18

E nyithindho mir Israel giai malu, man giidho i Beth-el, e gikwayu lembapora ba Mungu; man giwacu kumae, Ng’a ma bilar idho malu piwa nikiedo ku nyithindho pa Benyamini? E Yehova wacu kumae, Yuda bilar idho.

Jupoklembe 20:23

E nyithindho mir Israel giidho malu man giywak i wang’ Yehova cil uthieno; man gipenjo Yehova, giwacu kumae, Abicoro ceng’ni kendo nikiedo ku nyithindho pa Benyamin m’umira? E Yehova wacu kumae, Idh malu ikied kude.

Jupoklembe 20:28

man Finehaz, ma wod Eleazar, ma wod Harun, ucungo i wang’e i ceng’ maeca), ewacu kumae, Acidh kendo nikiedo ku nyithindho pa Benyamin m’umira, kadi aweki? Man Yehova wacu kumae, Idh malu; kum urwo abikethe i cingi.

Jupoklembe 8:4

Man Gideon uwok Yordan, man ekadhu lokaca, en, ku dhanu dak adek ma gini karacelo kude, nwang’u givoc, ento giriemogi asu.

1 Samwil 10:22

Ka kumeno gipenjo Yehova kendo kumae, Ng’atu moko nuti ma fodubino keni ungo? E Yehova loko lembe kumae, Nen, epondo kind jamni.

1 Samwil 14:37

Man Saul upenjo lembapora ba Mungu kumae, Abiloro piny tok Jufilisti? ibimiogi i cing’ Israeli? Ento eloko ire lembe ngo i ceng’ maeca.

1 Samwil 23:2

Ka kumeno Daudi penjo ba Yehova, ewacu kumae, Abicigoyo Jufilisti maeni? Man Yehova wacu ni Daudi kumae, Cidhi, man igoi Jufilisti, man ilar Keila.

1 Samwil 23:4

Daudi lund upenjo Yehova kendo. E Yehova loko ire lembe, man ewacu kumae, Ai, lor piny ba Keila; kum abimio Jufilisti i cingi.

1 Samwil 28:6

Man ka Saul upenjo ba Yehova, Yehova loko ire lembe ngo, kadok ku lek, kadi kud Urim, kadi ku jubila.

1 Samwil 30:18

E Daudi gamu gin ceke ma Juamaleki giyaku kendo; man Daudi bodho mon pare ario.

1 Samwil 30:19

Man gin moko mbe m’urem igi, kadok ma thindho kadi ma dongo, kadok wodo kadi nyir, kadok ayeki, kadi gin moko de mbe ma juyaku i bang’gi: Daudi gamu ceke kendo.