1 Samwil 30:6 - The Holy Bible In Alur (Lur) Revised Orthography

⁶ Man cwiny Daudi ng’abre dit; kum dhanu giyero pi canye ku kidi, kum can unego ng’eyong’ec mi dhanunegi ceke, ku ba dhanu ceke ng’atuman pi wote man pi nyige: ento Daudi udwokre gire tek ni kum Yehova Mungu pare.

1 Samwil 30:6 ပူးပေါင်းရင်းမြစ်များ

Thangambere 32:7

E ang’abacwiny ku lworo lund utimo Yakobo dit: man epoko dhanu ma ni i bang’e, man udul rombe, kud udul dhiang’, kud udul ngamia, ni ungu ario;

2 Samwil 17:8

Hucai wacu mange kumae, Ing’eyo wuru ku dhanu pare, nia gi dhanu ma tek, man ali ni i pidoigi, calu wai ma jukwalu nyithindhe i thim; man wuru en e dhanu mir ali, e ebigonjo ku dhanu ngo.

2 Ubimo 4:27

E kinde m’ewok ba dhanu pa Mungu wi ungulu got, emaku tiende. Man Gehazi coro ceng’ni kara ecwale cen; ento dhanu pa Mungu wacu kumae, Weke kumeno: kum can unego ng’eyong’ec pare yor i ie; man Yehova mung’e ira, e eyero ira ngo.

Kitabu Pa Yob 13:15

Kadok enega; ento abikure asu; Ento abicungo kum yo para i wang’e.

Zaburi 116:10

Ayio, kum abiweco: Jusenda dit:

Zaburi 138:3

I ceng’ m’alwong’o iloko ira lembe, Idwoko cwinya tek ku tego i ng’eyong’ec para.

Zaburi 18:2

Yehova en e cana para, man ot ma tek para, man jabodhna; Munguna, cana para, m’abipondo i bang’e; Ban para, man tung mi both para, man otkur para ma wiu.

Zaburi 18:6

I lem ma tek para alwong’o Yehova, Man aywak ba Mungu para: Ewinjo dwanda kud i hekalu pare, Man ywak para m’i wang’e mondo i ithe.

Zaburi 25:17

Can mir adundena doko dit: A wodha woko kud i can para.

Zaburi 27:14

Kur Yehova; Bed tek, man wek adundeni bed ku tegocwiny; Eyo, kur Yehova.

Zaburi 31:24

Wubed tek, man wek adundewu mak tegocwiny, Wun ceke ma wugeno Yehova.

Zaburi 42:11

Nedi ipodho, E ng’eyong’ec para? Man nedi can unegi yor i ia? Gen Mungu; kum fodi abipake, Ma en e kony mi wang’a, man Munguna.

Zaburi 42:5

E ng’eyong’ec para, cwinyi dieng’ nedi? Man can unegi yor i ia nedi? Gen Mungu; kum fodi abipake Pi kony mi wang’e.

Zaburi 42:7

Nam ulwong’o nam ku badwal mi pi peri m’ukonjre: Mukura peri ceke ku ngongopi peri gikadhu i wia.

Zaburi 56:11

Ageno Mungu, lworo binega ngo; Dhanu copo tima nedi?

Zaburi 62:1

Ng’eyong’ec para kuro Mungu kende ti: Both para ai i bang’e.

Zaburi 62:5

Ng’eyong’ec para, kur Mungu kende ti; Kum genogen para ai i bang’e.

Zaburi 71:4

Bodha, E Mungu para, kud i cing’ ja dubo. Kud i cing’ won gondri man jarop.

Zaburi 71:5

Kum in i genogen para, E Rwoth Yehova: In i genogen para ugambre kum aradu para.

Ai 17:4

E Musa lwong’o Yehova ewacu kumae, Abitimo dhanu maeni nedi? gi ceng’ni canya ku kidi.

Lembrieko 18:10

Nying’ Yehova en e ot ma tek ma wiu; Won bedopwe ringo i ie, e ebedo museme.

Isaya 25:4

Kum ibedo ka ma tek ni jucan, ka ma tek ni jucanpiny i can pare, kavogo ni wavuvu, tipopiny ni lietho, kinde ma atido mi ju mi ndiri bedo calu wavuvu kum gang’kidi.

Yeremia 16:19

E Yehova, ma tegona, man ka ma tek para, ku ka pondo para i nindo mi can, thek bibino i beng’i gambre i tung’ ng’om, man gibiwacu kumae, Kwaruwa gamu gin moko ngo ni aba ndhu ndra, en e gin ma ie nanu man gin ma kuloka mbe i ie.

Yona 2:2

Man ewacu kumae, Alwong’o Yehova kum masendi para, Man eloko ira lembe; Kud i cind i liel alwong’o,

Kitabu Mir Ang’wende Pa Musa Wel 14:10

Ento udul ceke wacu ya jucanygi ku kidi. E der pa Yehova wok i hema mi cokri ni nyithindho mir Israel ceke.

Matayo 21:9

E udul dhanu ma wi piro, ku ju m’udong’ cen de, gikok, giwacu kumae, Hosana ni wod Daudi: mugisa ni ng’atu m’ubino ku nying’ Rwoth; Hosana ma malu ngbir.

Matayo 27:22

Pilato wacu igi kumae, Abilund timo ang’o kum Yesu ma julwong’o Kristu? Kagi ceke giwacu kumae, Wek jugure.

Yohana 8:59

Gilund giting’o kidi nik gicanye ko: ento Yesu pale gire, man ewok ku i hekalu.

Jurumi 4:18

M’eyio i genogen ka genogen umbe, kara edok ni wego mi thek dupa, calku maeno m’uyere kumae, Nyikwei bibedo kumeno.

Jurumi 4:20

ento, m’eneno ba lembang’ola pa Mungu, cwinye bedo jiji ngo ni kum yic m’umbe, ento edoko tek ni kum yioyic, m’emio ko dwong’ ni Mungu,

Jurumi 8:31

Wabilund yero ang’o kum gin maeni? Tek Mungu en e jabang’wa, ng’a ke ma goyo kore i kumwa?

2 Jukorinto 1:6

Ento kadok wasendra, en e pi jukojuk mu man both mu; kadi kadok wabedo ajuka, en e pi jukojuk mu, m’ubetimbre i ciro can ma calacel ku maeno ma wan bende wasendra kudo ku twiocwiny:

2 Jukorinto 4:8

judiowa yo kun ku kun ceke, ento rititi re ngo; cwinywa ng’abre, endre cwinywa kuai ungo;

2 Jukorinto 7:5

Kum cil ma wawok i Makedoni kumwa kwio ngo, endre junyayu can i iwa yo kun ku kun ceke; yo woko lwiny, yor i ic ke lworo.

Juebrania 13:6

Kum kumeno wawacu ku tegocwiny kumae, Rwoth en e jakonyna; abilworo ngo: Dhanu bitima nedi?

Jupoklembe 18:25

E nyithindho pa Dan giwacu ire kumae, Dwendi kud uwinjre i kindwa, ju ma jung’ecwiny gimaru podho i wii, man kwo peri maru rwinyo, ku kwo mi juot peri.

Jupoklembe 20:22

Man dhanu, ma dhanu mir Israel, gidwoko cwinygi gigi tek, man githero lwiny kendo i ka ma githero i ie i ceng’ ma kwong’a.

1 Samwil 1:10

Man ng’eyong’ec pare ni i can ma kec, man erwo ni Yehova, man eywak ku can.

1 Samwil 23:16

Man Yonathan ma wod Saul, eai, man ecidho ba Daudi i luli, e edwoko cinge tek ni kum Mungu.

1 Samwil 28:15

E Samwil uwacu ni Saul kumae, Isenda nedi, m’iting’a ko malu e? E Saul uloko lembe kumae, Cwinya ng’abre dit; kum Jufilisti uting’o lwiny i kuma, man Mungu ai i bang’a, eloko lembe de ira kendo ngo, kadok ku jubila, kadok ku lek: ka kumeno alwong’i, kara iketh ang’ei gin m’abitimo.