1 Samwil 3:19 - The Holy Bible In Alur (Lur) Revised Orthography

¹⁹ E Samwil udongo, man Yehova ni kude, e eweko lem pare moko ngo upodh i ng’om.

1 Samwil 3:19 ပူးပေါင်းရင်းမြစ်များ

Thangambere 21:22

Man etimbre i nindo maeca, nia Abimelek ku Fikol ma jego mir udul pare yero ni Ibrahim, ewacu kumae, Mungu ni kudi i gin ceke m’itimo:

Thangambere 28:15

Man, nen, wanuti wakudi, man abigwoki ka ma tek icidho i ie, e abikeli kendo i ng’om maeni: kum abiweki ngo, ma fok’atimo lembe m’ayero pire iri ngo.

Thangambere 39:2

E Yehova ni karacelo ku Yusuf; en e ng’atu ma won mierolembe; man eni i ot pa jadit pare ma Jamisiri.

Thangambere 39:3

Man jadit pare neno nia Yehova ni kude, man nia Yehova ketho gin ceke m’etimo bedo miero i cinge.

1 Ubimo 8:56

Mugisa ni Yehova, m’emio yom ni dhanu pare Israel, calku gin ceke m’eng’olo: lembe acel de mbe m’udong’ mi lembang’ola pare ceke ma ber, m’eng’olo ku dhu Musa ma jatic pare.

2 Ubimo 10:10

Wung’ei kawono nia lembe pa Yehova moko mbe ma bidong’, ma Yehova yero pi ot pa Ahab: kum Yehova timo lembe m’eyero ku jatic pare ma Elia.

2 Ubimo 15:12

Maeni lembe pa Yehova m’eyero ku Yehu, ewacu kumae, Woti bijany wi komker mir Israel cil kum dhanum’utuk mir ang’wende. E etimbre kumeca.

2 Ubimo 22:16

Yehova wacu kumae, Nen, abikelo lembe ma rac wi ka maeni, man wi ju m’ubedo i ie, en e lembe ceke mi kitabu m’ubimo mi Yuda somo.

Isaya 43:2

Kinde m’ikadhu kud i pi, wabibedo wakudi; man kud i kulo ma dit, gibimwonyi ngo: kinde m’iwotho kud i mac, ibiwang’ ungo, kadok lebmac de biliel i kumi ngo.

Isaya 44:26

m’adwoko lembe pa jatic pare tek, m’atimo lembapora mi jukwenda para de; m’awacu pi Yerusalem kumae, Jubibedo i ie; man pir adhura mi Yuda kumae, Jubigomogi, man abiting’o kar udhurune;

Isaya 55:11

e lembe para m’uai kud i dhoga de bibedo kumeca: ebidwogo i bang’a mananu ngo, ento ebitimo gin m’ayenyo, man ebibedo miero kum gin m’aore pire.

Matayo 1:23

Nen, nyaku ma sumba ma ng’won bibedo ku ic, man ebinyolo nyathin ma nico, Man gibilwong’o nyinge Imanuel; thelembene, ka juloke, Mungu wakugi.

Luka 1:28

Emondo i bang’e, man ewacu kumae, Moth iri, in ma mugisa kwenyi, Rwoth ni kudi.

Luka 1:80

Nyathin udongo, cwinye de doko tek, ebedo i yamba de cil i ceng’ m’enyuthre ie ni Israel.

Luka 2:40

Nyathin udongo, tego medre ire, rieko de pong’e: man bero pa Mungu ni i wie.

Luka 2:52

E Yesu dongo man ecikucidho i rieko, man i bero ni Mungu ku dhanu bende.

2 Jukorinto 13:11

Aha a, umego, dong’ wubedi. Wudok ndhu cu; wujulau; wubed ku pidoic acel; wubed i kwiocwiny: man Mungu mi mer ku kwiocwiny de bibedo kudu.

2 Jukorinto 13:14

Bero pa Rwoth Yesu Kristu, ku mer pa Mungu, man ribri pa Tipo Maleng’, ubed i beng’wu kpo.

Poi Mi Cik 18:22

kinde ma jabila yero ku nying’ Yehova, tek ginde lubo ng’eye ngo, kadi etimbre ngo, maeno gin ma Yehova yero ngo: jabilane yere ku ng’oc, lworo binegi i kume ngo.

2 Timoteo 4:22

Dong’ Rwoth ubed ku cwinyi. Dong’ bero bed i beng’wu.

Yocuwa 21:45

Gin moko ma ber umbe m’urem ma Yehova yero ni ot mir Israel; gin ceke timbre kakare,

Jupoklembe 13:24

Man dhakune nyolo nyathin ma nico, man elwong’o nyinge Samson: man nyathin udongo, e Yehova mio mugisa ire.

1 Samwil 10:7

Man wek ebed, kinde ma giranyutha maeni bibino i beng’i, nia itim calu cingi binwang’u; kum Mungu ni karacelo kudi.

1 Samwil 12:2

Man kawono, nen, ubimo wotho i weng’wu; man an ati lwar ni i wia de; man, nen, wota gini karacelo kudu: man awotho i weng’wu ugambre i aradu para cil i ceng’ maeni.

1 Samwil 16:18

Ng’atu acel ma kind awobi ulund uloko lembe, man ewacu kumae, Nen, aneno wod Yese acel ma Jabeth-lehemi, ma en e jabodho mi goyo adungu, man en e ng’atu ma tek ma ratego, man en e dhanu mir ali, ma riek kum yero lembe de, man en e ng’atu ma ber; Yehova de ni kude.

1 Samwil 18:12

E lworo nego Saul kum Daudi, kum Yehova ni kude, man eai ku ba Saul.

1 Samwil 18:14

E Daudi timbre gire ku rieko i yo pare ceke; man Yehova ni kude.

1 Samwil 18:5

Man Daudi cidho ka ma tek Saul uore, man etimbre gire ku rieko: man Saul ukethe wi dhanu mir ali, man ebedo ber i wang’ dhanu ceke, man i wang’ jutic pa Saul bende.

1 Samwil 2:21

Man Yehova liewo Hana, man egamu ie, e enyolo nyithindho ma co adek ku nyir ario. Man nyathin Samwil udongo i wang’ Yehova.

1 Samwil 2:26

E nyathi Samwil ucikudongo, man emedre i bero ku Yehova, man ku dhanu bende.

1 Samwil 9:6

E ewacu ire kumae, Nen kawono, dhanu pa Mungu nuti i adhura maeni, man en e ng’atu ma won yung; gin ceke m’ewacu timbre andha: kawono dong’ wacidh keca; kuno nyo ecopo yero iwa pi woth ma wacidho i ie.