1 Samwil 28:9 - The Holy Bible In Alur (Lur) Revised Orthography

⁹ Man dhakune wacu ire kumae, Nen, ing’eyo gin ma Saul utimo, maram ekabu ko ju m’ajoga, ku jubila de, kud i ng’ombe: kum kumeno iketho uwic ni kwo para nedi, kara uketh atho?

1 Samwil 28:9 ပူးပေါင်းရင်းမြစ်များ

2 Samwil 18:13

Tek kumeno ngo tek atimo kud abombi kum kwo pare (man lembe moko mbe m’umungre ni ubimo), kuno di in giri igoyo kori i kuma.

2 Ubimo 5:7

E etimbre, kinde m’ubimo mir Israel usomo waragane, nia eyeco kendi pare, man ewacu kumae, An a Mungu, ma nia anego man aketho bedo kwo, m’uketho ng’atuni oro lembe i bang’a ya acang joi mi kum dhanu? ento akwayuwu, iwu pid man wunen maram eyenyo ko lembe i kuma.

Lembe Mi Julawi 19:31

Kud wulokru ba ju ma weg tipo, kadi ba jucwitho; kud wuyenygi, kara wucidru kugi: an a Yehova Mungu mu.

1 Samwil 28:10

Man Saul ukwong’o ire ku Yehova, ewacu kumae, Calu Yehova bedo kwo, masendi moko mbe ma biwok i kumi kum gin maeni.

1 Samwil 28:3

Nwang’u Samwil utho, man Israel ceke giywage, man giyike i Rama, en e adhura pare ma dhe. Man Saul ukabu weg pajogi, ku weg ajoga, woko kud i ng’ombe.