1 Samwil 26:25 - The Holy Bible In Alur (Lur) Revised Orthography

²⁵ Saul ulund uwacu ni Daudi kumae, Mugisa bed i wii, woda Daudi: ibitimo ku tego, man ibisagu andha. Kum kumeno Daudi cidho i yo pare, man Saul udok kakare.

1 Samwil 26:25 ပူးပေါင်းရင်းမြစ်များ

Lembrieko 26:25

Kinde m’eyero lembe ber, kud iyie; Kum ginmajudagu abiro ni i adundene:

1 Samwil 24:19

Kum tek ng’atu moko nwang’u jadegine, ebiweko ecidho museme? kum kumeno dong’ Yehova utimi ber kum maeni m’itimo i kuma tin.

Thangambere 32:28

E ewacu kumae, Jubilwong’o nyingi Yakobo kendo ngo, ento Israel: kum inyego ku Mungu man ku dhanu, e isagu.

Jurumi 8:37

Ento, i gin maeni ceke wasagu weg avoci ni kum ng’ atu m’umaruwa.

Jurumi 8:35

Ng’a ma bikoyowa ku mer pa Kristu? masendi, kadi ndiba, kadi ragedo, kadi ndru, kadi muneru, kadi both abotha ku tho, kadi palamularu?

Hoseya 12:4

eyo, ebedo ku tego wi malaika, man esagu; eywak, man epaku dhoge ire: enwang’e i Beth-el, man waweco wakude kuca,

Isaya 54:17

Jambali moko mbe ma jucwio i kumi ma bibedo miero; man ibigonjo leb ceke kubang’e kubang’e ma biai i kumi i pokolembe. Maeni en e aba mi jutic pa Yehova, man bedopwe migi m’uai i bang’a, Yehova wacu.

1 Samwil 24:22

E Daudi kwong’o ni Saul. E Saul udok i pacu pare; ento Daudi ku dhanu pare giidho malu i ka ma tek.

1 Samwil 24:20

Man kawono, nen, ang’eyo nia ibibedo ubimo andha, man nia ker mir Israel bicungo i cingi.