1 Samwil 26:23 - The Holy Bible In Alur (Lur) Revised Orthography

²³ Man Yehova biculo ni dhanu kubang’gi kubang’gi ng’atuman bedopwe pare, man mandha pare; kum nwang’u Yehova mii i cinga tinuni, man ayenyo ngo aketh cinga kum ng’atu ma Yehova wiro.

1 Samwil 26:23 ပူးပေါင်းရင်းမြစ်များ

2 Samwil 22:21

Yehova mio ira sukulia calku bedopwe para; Calku leng’ mi cinga eculo ira.

2 Samwil 22:25

Ka kumeno Yehova culo ira calku bedopwe para, Calku leng’ para i wang’e.

1 Ubimo 8:32

ilund iwinj i polo, man itim, man ipok lembe mi jutic peri, m’igonj ko judubo, kara udwok yo pare i wie gire, m’igony ko lembe de ma wi weg bedopwe, kara imi ire calku bedopwe pare.

Nehemia 13:14

Poi pira, E Mungu para, pi maeni, man kud iruc tic ma ber para woko m’atimo pi ot pa Mungu para, man pi gin pare m’ang’ola.

Kitabu Pa Yob 34:11

Kum ebiculo pi tic mi dhanu ni dhanune, Man ebiketho dhanu kubang’gi kubang’gi unwang’ calku yo migi.

Zaburi 62:12

E Rwoth, mer mi bero bende en e peri; Kum imio ni dhanu ceke kubang’gi kubang’gi ng’atuman calku tic pare.

1 Samwil 24:11

Mange ke, vwa, nen, eyo, nen dhu kanzu peri ni i cinga; kum athumo dhu kanzu peri, man anegi ngo, e dong’ ing’ei inen de nia kadok dubo kadi kier de mbe i cinga, man adubo iri ngo, kadok ibeyenyo kwo para kara imake.

1 Samwil 24:12

Yehova pok lembe i kindwa wakudi, man Yehova cul kwoja i kumi; ento cinga bibedo i kumi ngo.

1 Samwil 24:18

Man inyutho tin maram itimo ko ber i kuma, kum nwang’u Yehova ting’a i cingi, ere inega ngo.

1 Samwil 24:19

Kum tek ng’atu moko nwang’u jadegine, ebiweko ecidho museme? kum kumeno dong’ Yehova utimi ber kum maeni m’itimo i kuma tin.

1 Samwil 26:11

Yehova kwer nia aketh cinga kum ng’atu ma Yehova wiro: ento, akwei, gam tong’ ma ni the wie, ku cupa mi pi, man wek wacidhi.

1 Samwil 26:22

E Daudi loko lembe man ewacu kumae, Nen, tong’, E ubimo! dong’ jalawobi acel ukadh lokani ubin ugame.

1 Samwil 26:9

Man Daudi wacu ni Abicai kumae, Kud inyothe; kum ng’a ma copo ketho cinge kum ng’atu ma Yehova wiro, ma dubo bedo umbe kude?