1 Samwil 26:19 - The Holy Bible In Alur (Lur) Revised Orthography

¹⁹ Ka kumeno kawono, akwei, wek rwoth para m’ubimo winj lembe pa jatic pare. Tek en e Yehova m’unyayu lembe ii i kuma, wek ejol girathiera: ento tek en e nyithindho mi dhanu, kwong’ ubed i wigi i wang’ Yehova; kum giriema woko i ceng’ maeni kara kud amok kum aba pa Yehova, giwacu kumae, Cidhi, tim ni mungu mange.

1 Samwil 26:19 ပူးပေါင်းရင်းမြစ်များ

Thangambere 44:18

E Yuda lund ubind ceng’ni i bang’e, man ewacu kumae, A, rwoth para, akwei, wek jatic peri yer lembe i ith rwoth para, man kud iyi ng’ecwiny peri op kum jatic peri; kum in i calu Farao.

Thangambere 8:21

Man Yehova ng’wio ng’wic mido ma ng’ar; man Yehova wacu i adundene kumae, Abilamu ng’om kendo ngo ni kum dhanu, kum lembapora mi pidoic mir adunde dhanu en e rac ugambre kum aradu pare; kadi abigoyo gin ceke ma kwo kubang’e kubang’e kendo ngo, calu atimo.

2 Samwil 14:16

Kum ubimo biwinjo, kara ebodh jatic pare kud i cing’ ng’atu m’uyenyo nyotha ku woda karacelo ku i aba pa Mungu.

2 Samwil 16:10

Man ubimo wacu kumae, Wabedo ku lembang’o wakudu, wu wot Zeruia? Kum elamu, man kum Yehova wacu ire kumae, Lam Daudi; ng’a ma bilund wacu kumae, Nedi itimo kumeno?

2 Samwil 16:11

Man Daudi wacu ni Abicai, man ni jutic pare ceke kumae, Nen, woda, m’uai i ia, ebeyenyo kwo para: e ka Jabenyamini ke kawono bitimo kani? weke, wek elam; kum Yehova ng’olo ire.

2 Samwil 20:19

An a kind ju ma gi weg kwiocwiny man mandha i Israel: iyenyo inyoth adhura ku mego i kind Israel: ibimwonyo aba pa Yehova nedi?

2 Samwil 21:3

e Daudi wacu ni Jugibeoni kumae, Abitimo ang’o iwu? man abiculo kud ang’o, kara wumi mugisa wi aba pa Yehova?

2 Samwil 24:1

E ng’ecwiny pa Yehova opo kum Israel kendo, man eting’o cwiny Daudi i kumgi, ewacu kumae, Cidhi, kwan Israel ku Yuda.

1 Ubimo 22:22

E Yehova wacu ire kumae, Kud ang’o? Man ewacu kumae, Abiwok woko, man abibedo ni tipo mi ndra i dhu jubila pare ceke. Man ewacu kumae, Ibibidhe, man ibisagu bende: cidhi, man itim kumeca.

I Lemkei 21:1

Man Jok ucungo wi Israel, man eting’o cwiny Daudi ya ekwan Israel.

Zaburi 120:5

Can i wia, kum abedo ni umondo Mecek, Kum abedo i kind hema mi Kedar!

Zaburi 20:4

Emi iri yeny ma adundeni yenyo, Man etim lembapora peri kakare.

Lembrieko 30:10

Kud iyer nying’ jatic ni jadit pare, Emaru lemi, man lembe bed i wii.

Isaya 60:5

Ibilund neno man ibirieny, e adundeni bimiel man ebidoko dit; kum dit mi nam bilokre i beng’i, lonyo mi thek bibino i beng’i.

Lembe Mi Julawi 26:31

Man abidwoko adhura mu ni uvuru, abikelo kamaleng’ mu de ni nyoth, man abing’wio ng’wic mido mu ma ng’ar ungo.

Kitabu Mir Ang’wende Pa Musa Wel 36:7

Kum kumeno aba mi nyithindho mir Israel biai bidak ku ba suru ku ba suru ngo; kum nyithindho mir Israel bimoko kubang’gi kubang’gi bang’ aba mi suru pa weggi.

Kitabu Mir Ang’wende Pa Musa Wel 36:9

Kum kumeno aba moko biai i suru acel bidak ba suru mange ngo; kum suru mi nyithindho mir Israel bimoko kubang’gi kubang’gi ng’atuman bang’ aba pare ma dhe.

Jurumi 14:15

Kum tek can unego wedu kum cemo, meca iwotho kendo i mer ungo. Kud inyoth ng’atu ma Kristu tho pire ku cemo peri.

Jugalatia 5:12

Ayenyo nia ju m’uketho cwinywu beringo rr gjthumbri gigi.

Poi Mi Cik 13:3

kud iwinj lembe pa jabilane, kadi pa jalek lek de: kum Yehova Mungu mu mulo iwu, kara eng’ei tek wumaru Yehova Mungu mu ku cwinywu ceke man ku ng’eyong’ec mu ceke.

2 Timoteo 4:14

Iskander ma jathiedh nyunyu etima rac dit: Rwoth bimio ire rom ku tic pare:

1 Samwil 18:10

Man etimbre urwone, nia tipo ma rac m’uai ba Mungu ubino wi Saul ku tego, man eewo lembe i die ot; man Daudi goyo ku cinge, calu ebedetimo ceng’ ku ceng’. Man Saul ubedo ku tong’ pare i cinge;

1 Samwil 24:9

Man Daudi wacu ni Saul kumae, Nedi iwinjo lembe mi dhanu, ma giwacu kumae, Nen, Daudi yenyo etimi raci?

1 Samwil 25:24

E epodho piny the tiende, man ewacu kumae, Rwoth para, i wia, kier maeni bed i wia; man akwei, wek bong’ peri yer i ithi, man iwinj lembe pa bong’ peri.

1 Samwil 27:1

E Daudi wacu yo i adundene kumae, Ceng’ moko abirwinyo ku cing’ Saul: gin moko mbe ma ber ira ma sagu ringo i ng’om mi Jufilisti; e cwiny Saul biai i kuma, kara kud eyenya kendo i kieu ceke mir Israel: kum kumeno abiboth kud i cinge.