E Daudi wacu kumae, Wabedo ku lembang’o wakudu, wu wot Zeruia, ma nia wubed judegina tini? jubiketho ng’atu moko tho tin i kind Israeli? kum ang’eyo ngo tin nia an a ubimo wi Israeli?
Anuti eni: wunyuth lembe i kuma i wang’ Yehova, man i wang’ ng’atu ma juwiro pare: koni dhiang’ pa ng’a m’amaku? kadi kana pa ng’a m’amaku? kadi ng’a m’avugo? ng’a m’asendo? kadi agamu jamblembe i cing’ ng’a kara uum wang’a? man abidwoke iwu.
E dhanu pa Daudi giwacu ire kumae, Nen, ceng’ ma Yehova yero iri pire kumae, Nen, abimio jadegi peri i cingi, man ibitimo i kume calu ebedo ber iri. Daudi lund uai malu, man ethumo dhu kanzu pa Saul moth moth.
Man ewacu ni dhanu pare kumae, Yehova kwer nia kud atim gin maeni kum rwoth para, ma ng’atu ma Yehova wiro, ya aketh cinga i kume, kum en e ng’atu ma Yehova wiro.