1 Samwil 24:11 - The Holy Bible In Alur (Lur) Revised Orthography

¹¹ Mange ke, vwa, nen, eyo, nen dhu kanzu peri ni i cinga; kum athumo dhu kanzu peri, man anegi ngo, e dong’ ing’ei inen de nia kadok dubo kadi kier de mbe i cinga, man adubo iri ngo, kadok ibeyenyo kwo para kara imake.

1 Samwil 24:11 ပူးပေါင်းရင်းမြစ်များ

2 Samwil 1:14

Man Daudi wacu ire kumae, Lworo negi ngo nedi nirieyo cingi m’inyoth ko ng’atu ma Yehova wiro?

2 Ubimo 5:13

E jutic pare eoro ceng’ni, man giweco i bang’e, giwacu de kumae, Vwa, tek jabila wacu iri itim gin moko ma dit, itime ngo? ma sagu dit ungo, kan ewacu iri kumae, Logi, man ibed leng’i?

Kitabu Pa Yob 10:16

Man tek wia dodre gire, idwara calu umvor; Man inyuthri giri i wia kendo ma wang’u ijo.

Zaburi 119:161

Judongomawijo gisenda ma lembe mbe; Ento lworo nego adundena kum lembe peri.

Zaburi 140:11

Jayerlembe ma rac bicungo ngo i ng’om: Lem ma rac bilubo tok jarop kara eng’iele.

Zaburi 35:7

Kum gikanu voi migi ira i vur ma lembe mbe; Gitong’o vur pi ng’eyong’ec para ma lembe mbe.

Zaburi 59:3

Kum, nen, gikanu adhi ni ng’eyong’ec para; Ju ma tek gicokri gigi karacelo i kuma: Kum kier para ngo, kadi kum dubo para de ngo, E Yehova.

Zaburi 7:5

Wek jadegi riem ng’eyong’ec para, man erube; Eyo, wek enyon kwo para piny i ng’om, Man eketh dwong’ para i utur. [Sela.

Lembrieko 15:1

Lokolembe ma yo kwio wi kwinyo; Ento lembe ma ton nyayu ng’ecwiny.

Ywak 4:18

Gidwaru ba tiendwa, ketho nia wacopo mondo ngo i gengi mwa: Kajik mwa ni ceng’ni, nindo mwa daru welne: kum kajik mwa tundo.

Ezekiel 13:18

man iwac kumae, Rwoth Yehova wacu kumae: Can wi mon ma kwoyo usau ma yom wi the bot ceke, man ma timo kitambala m’i wie ni dhanu mi kadongo ma tung’ tung’ kara uyeny ng’eyong’ec! Wubiyenyo ng’eyong’ec mi dhanu para, man wubibodho ng’eyong’ec ma kwo iwu giwu?

Mika 7:2

Dhanu ma ayi Mungu ni i kume rwinyo woko kud i ng’om, e ng’atu moko m’atira mbe i kind dhanu: kagi ceke gikanu adhi mi rimo; ku ba dhanu ku ba dhanu ng’atuman dwaru umin ku voi.

Yohana 15:25

Ento maeni timbre, kara lembe m’ugore i cik migi kumae, utimbre kakare, Gidaga mananu.

1 Samwil 12:3

Anuti eni: wunyuth lembe i kuma i wang’ Yehova, man i wang’ ng’atu ma juwiro pare: koni dhiang’ pa ng’a m’amaku? kadi kana pa ng’a m’amaku? kadi ng’a m’avugo? ng’a m’asendo? kadi agamu jamblembe i cing’ ng’a kara uum wang’a? man abidwoke iwu.

1 Samwil 18:27

e Daudi ai man ecidho, en ku dhanu pare, man ginego kind dhanu mi Jufilisti dak ario; man Daudi kelo dendkumgi m’i kendi, man gimiogi ni ubimo ku welgi bo, kara ebed jalwod ubimo. Man Saul umio ire Mikal ma nyare ni dhaku.

1 Samwil 23:14

E Daudi bedo i langa i ka ma tek, man edong’ i ng’om gudi i langa mi Zif. E Saul uyenye ceng’ ceke, ento Mungu mie i cinge ngo.

1 Samwil 23:23

Ka kumeno wunen, man wung’ei kapondo ceke m’epondo i ie, man wubin kendo i bang’a andha, e wabicidho wakudu: man ebitimbre, tek ebedo i ng’om, nia abiyenye i kind rubanga ceke mi Yuda.

1 Samwil 25:28

Akwei, wek kier pa bong’ peri: kum Yehova bitimo ot ma tek ni rwoth para andha, kum rwoth para kiedo lwiny pa Yehova; man jubinwang’u dubo ngo i beng’i i ceng’ peri ceke.

1 Samwil 26:18

Man ewacu kumae, Nedi rwoth para riemo tok jatic pare? kum atimo ang’o? kadi dubo ang’o ma ni i cinga?

1 Samwil 26:20

Ka kumeno kawono, rimba kud ucwir i ng’om bor ku ka ma Yehova ni i ie: kum ubimo mir Israel uwok niyenyo kukun, calu ng’atu m’ubeyenyo aywer kind gudi.

1 Samwil 26:23

Man Yehova biculo ni dhanu kubang’gi kubang’gi ng’atuman bedopwe pare, man mandha pare; kum nwang’u Yehova mii i cinga tinuni, man ayenyo ngo aketh cinga kum ng’atu ma Yehova wiro.