1 Samwil 23:8 - The Holy Bible In Alur (Lur) Revised Orthography

⁸ Man Saul ulwong’o dhanu mir ali ceke, kara gilor piny ba Keila gitiek Daudi ku dhanu pare kud ali.

1 Samwil 23:8 ပူးပေါင်းရင်းမြစ်များ

1 Ubimo 2:26

Man ubimo wacu ni Abiathar ma jalam kumae, Cidh i Anathoth, ba podho peri ma dhe; kum iromo ku tho; ento abinegi i nindo maeni ngo, kum iyeyo sanduk pa Rwoth Yehova i wang’ Daudi ma vwa, man kum jusendi ku gin ceke ma jusendo ko vwa.

1 Samwil 23:10

Daudi lund uwacu kumae, E Yehova, Mungu mir Israel, jatic peri winjo andha nia Saul uyenyo ebin Keila, kara enyoth adhurane ni kuma.

1 Samwil 23:7

Man juyero ni Saul nia Daudi bino Keila. Man Saul uwacu kumae, Mungu mie i cinga; kum juciko bang’e, kum emondo i adhura ma dhugange kud utwindine de nuti.

1 Samwil 23:9

E Daudi ng’eyo nia Saul ubepido lembe i kume; man ewacu ni Abiathar ma jalam kumae, Kel ugoke keni.