1 Samwil 23:2 - The Holy Bible In Alur (Lur) Revised Orthography

² Ka kumeno Daudi penjo ba Yehova, ewacu kumae, Abicigoyo Jufilisti maeni? Man Yehova wacu ni Daudi kumae, Cidhi, man igoi Jufilisti, man ilar Keila.

1 Samwil 23:2 ပူးပေါင်းရင်းမြစ်များ

2 Samwil 2:1

Man etimbre yo ng’ei maeni, nia Daudi penjo ba Yehova, ewacu kumae, Abiidho malu i adhura moko mi Yuda? E Yehova wacu ire kumae, Idh malu. Man Daudi wacu kumae, Abiidho malu kakani? Man ewacu kumae, I Hebron.

2 Samwil 5:19

Man Daudi penjo ba Yehova, ewacu kumae, Abiidho malu kum Jufilisti? ibimiogi i cinga? E Yehova wacu ni Daudi kumae, Idh malu; kum abimio Jufilisti i cingi andha.

2 Samwil 5:23

Man ka Daudi penjo ba Yehova, ewacu kumae, Ibiidho malu ngo: lokri yor i ng’eigi, man ibin i wigi ku yo kum yen m’udinyo.

I Lemkei 14:10

E Daudi penjo ba Mungu, ewacu kumae, Abicidho malu kum Jufilisti? man ibimiogi i cinga? man Yehova wacu ire kumae, Idh malu; kum abimiogi i cingi.

Zaburi 32:8

Abidwoki riek man abiponji ku yo m’ibiwotho i ie: Abimio iri rieko lembe ku wang’a ma ni i wii.

Yeremia 10:23

E Yehova, ang’eyo nia yo mi dhanu en e i ie gire ngo; telo wi dakutielo pare mbe ba dhanu ma wotho.

Kitabu Mir Ang’wende Pa Musa Wel 27:21

Man ebicungo i wang’ Eleazar ma jalam, ma bipenjo pire ku lembapoka pa Urim i wang’ Yehova: ku lembe pare gibiwok woko, man ku lembe pare gibimondo, en, ku nyithindho mir Israel ceke karacelo kude, cil udul ceke.

Yocuwa 9:14

E dhanu gigamu kum giracama migi, man gipenjo lembapora dhu Yehova ngo.

Jupoklembe 1:1

Man etimbre yo ng’ei tho pa Yocuwa, nia nyithindho mir Israel gipenjo ba Yehova, giwacu kumae, Ng’a ma bilar idho malu piwa kum Jukanani, nikiedo kugi?

1 Samwil 10:22

Ka kumeno gipenjo Yehova kendo kumae, Ng’atu moko nuti ma fodubino keni ungo? E Yehova loko lembe kumae, Nen, epondo kind jamni.

1 Samwil 14:37

Man Saul upenjo lembapora ba Mungu kumae, Abiloro piny tok Jufilisti? ibimiogi i cing’ Israeli? Ento eloko ire lembe ngo i ceng’ maeca.

1 Samwil 23:3

E dhanu pa Daudi giwacu ire kumae, Nen, lworo negowa kakeni i Yuda: e ka tek wacidhu ba Keila kum njuru asikari mi Jufilisti ke lworo binegowa kani?

1 Samwil 23:4

Daudi lund upenjo Yehova kendo. E Yehova loko ire lembe, man ewacu kumae, Ai, lor piny ba Keila; kum abimio Jufilisti i cingi.

1 Samwil 23:6

Man etimbre, kinde ma Abiathar ma wod Ahimelek uringo ba Daudi i Keila, nia eloro piny kud ugoke i cinge.

1 Samwil 30:8

Man Daudi penjo ba Yehova, ewacu kumae, Tek alubo tok udul maeni, abirubogi? Man eloko lembe ire kumae, Lub tokgi; kum ibirubogi andha, man gin moko mbe ma bidong’ m’ibigamu ngo.