1 Samwil 22:23 - The Holy Bible In Alur (Lur) Revised Orthography

²³ Wabed wakudi, lworo kud unegi; kum ng’atu m’ubeyenyo kwo para ebeyenyo kwo peri: kum ibibedo museme karacelo kuda.

1 Samwil 22:23 ပူးပေါင်းရင်းမြစ်များ

2 Samwil 9:7

E Daudi wacu ire kumae, Lworo kud unegi; kum abinyutho bero iri andha ni kum Yonathan ma wuru, man abidwoko ng’om ceke ma pa Saul i beng’i; man ibicamu kwen dhu mesa para thiri thiri.

1 Ubimo 1:7

E giporo lembe giku Yoab ma wod Zeruia, man kud Abiathar ma jalam: e gin ma gibelubo ng’ei Adonija gikonye.

1 Ubimo 2:26

Man ubimo wacu ni Abiathar ma jalam kumae, Cidh i Anathoth, ba podho peri ma dhe; kum iromo ku tho; ento abinegi i nindo maeni ngo, kum iyeyo sanduk pa Rwoth Yehova i wang’ Daudi ma vwa, man kum jusendi ku gin ceke ma jusendo ko vwa.

Matayo 24:9

E gibilund miowu ni masendi, man gibinegowu: thek ceke de bidaguwu kum nyinga.

Yohana 15:20

Wupoi kum lembe m’ayero iwu kumae, Jamiru sagu rwodhe ngo. Tek ginyayu ragedo i kuma, gibinyayu ragedo i kumwu bende; tek giworo lembe para, gibiworo mu bende.

Yohana 17:12

Kinde ma fodi wani karacelo kugi, agwoko ju m’imio ira i nyingi: akurogi de, ng’atu acel de mbe i kindgi m’urwinyo, ndhu wod nyoth kende; kara lembagora pa Mungu timbre kakare.

Yohana 18:9

kara lembe m’eyero timbre kakare kumae, Ju maeni m’imio ira acel de mbe m’i kindgi m’urwinyo ira.

1 Samwil 23:17

Man ewacu ire kumae, Lworo kud unegi; kum cing’ Saul ma vwa binweng’i ngo; man ibibedo ubimo wi Israel, e abilubi; e Saul ma vwa bende ng’eyo maeni.