1 Samwil 22:2 - The Holy Bible In Alur (Lur) Revised Orthography

² Man ku ba dhanu ceke ma lembe ni i wigi, man ku ba dhanu ceke ma jurubanja, man ku ba dhanu ceke ma lembe dieng’o ewinygi, gicokri gigi i bang’e; man edoko ni jego i wigi: man dhanu ma ni bang’e giyenyo romo dak ang’wen.

1 Samwil 22:2 ပူးပေါင်းရင်းမြစ်များ

2 Samwil 17:8

Hucai wacu mange kumae, Ing’eyo wuru ku dhanu pare, nia gi dhanu ma tek, man ali ni i pidoigi, calu wai ma jukwalu nyithindhe i thim; man wuru en e dhanu mir ali, e ebigonjo ku dhanu ngo.

2 Samwil 5:2

I nindo ma con, kinde ma Saul en e ubimo i wiwa, en e in m’utelo wi Israel woko ku dwogo de: e Yehova wacu iri kumae, Ibibedo jakwac ni dhanu para Israel, man ibibedo jatelwic wi Israel.

2 Ubimo 20:5

Lokri, man iwac ni Hezekia ma jatelwic mi dhanu para kumae, Yehova, ma Mungu pa Daudi ma kwaru, wacu kumae, Awinjo rwo peri, aneno piweng’i: nen, abicengi; i ceng’ mir adege ibiidho malu ba ot pa Yehova.

2 Ubimo 4:1

Nie dhaku m’i kind mon mi wot jubila uywak bang’ Elica, ewacu kumae, Jatic peri ma cwara tho; e ing’eyo nia jatic peri lworo Yehova: man jarabanja bino kara egam nyithindho para ire ni ng’eca.

Lembrieko 31:6

Mi giramadha ma lake tek ni ng’atu ma ni ceng’ni nyothre, Man pigulok ni ju ma cwinygi cot:

Matayo 11:12

Ugambre i ceng’ pa Yohana ma Jabaputisi cil ku kawono de ker m’i polo rombo ku tego, dhanu ma jukero de gigame ku kero.

Matayo 11:28

Wubin i bang’a, kewu ceke ma wumulu ku tic ma ter ma pek unurowu, man abimio iwu yom.

Juebrania 2:10

Kum emake, ma gin ceke gi pire, ma gin ceke de wok ni kume, i kelo m’ekelo ko wot dupa i dwong’ ya eketh won both migi dok ndhu cu ni kum sendri.

Jupoklembe 11:3

E Yeftha ulund uringo utumin mire, man ebedo i ng’om mi Tob; man dhanu ma kitgi mbe gicokri ba Yeftha man giwok woko gikugi.

Jupoklembe 18:25

E nyithindho pa Dan giwacu ire kumae, Dwendi kud uwinjre i kindwa, ju ma jung’ecwiny gimaru podho i wii, man kwo peri maru rwinyo, ku kwo mi juot peri.

1 Samwil 1:10

Man ng’eyong’ec pare ni i can ma kec, man erwo ni Yehova, man eywak ku can.

1 Samwil 22:3

Man Daudi ai kukeca ecidho Mizpa mi Moab: man ewacu ni ubimo mi Moab kumae, Akwei, wek vwa ku ma gibin gibed i beng’i, maram ang’ei ko gin ma Mungu bitimo ira.

1 Samwil 23:13

E Daudi ku dhanu pare, ma yenyo romo dak abusiel, giai giweko Keila, man gicidho i ka ma gicopo cidho i ie. Man juyero ni Saul nia Daudi lui ku i Keila; e ekwero ku jucidhi.

1 Samwil 25:13

E Daudi wacu ni dhanu pare kumae, Wutwi palamularu mu kubeng’wu kubeng’wu. E gitwio palamularu migi kubang’gi kubang’gi; man Daudi bende twio palamularu pare: man dhanu ma yenyo romo dak ang’wen giidho malu tok Daudi; man dak ario gibedo kum jamni.

1 Samwil 30:6

Man cwiny Daudi ng’abre dit; kum dhanu giyero pi canye ku kidi, kum can unego ng’eyong’ec mi dhanunegi ceke, ku ba dhanu ceke ng’atuman pi wote man pi nyige: ento Daudi udwokre gire tek ni kum Yehova Mungu pare.

1 Samwil 9:16

Urwo unyoni abioro ng’atu acel i beng’i kud i ng’om Benyamin, e ibiwire ebed jatelwic mi dhanu para Israel; man ebibodho dhanu para kud i cing’ Jufilisti: kum aneno wi dhanu para, kum ywak migi wok i bang’a.