1 Samwil 22:17 - The Holy Bible In Alur (Lur) Revised Orthography

¹⁷ Man ubimo wacu ni jukur m’ucungo i vute kumae, Wulokru, man wuneg julam pa Yehova; kum cinge bende ni karacelo ku Daudi, man kum ging’eyo nia eringo, man gituco ira ngo. Ento jutic p’ubimo giyenyo ngo giriei cing’gi ma gipodh ko wi julam pa Yehova.

1 Samwil 22:17 ပူးပေါင်းရင်းမြစ်များ

Ai 1:17

Ento jucolmon gilworo Mungu, man gitimo calu ubimo mi Misiri ng’olo igi ngo, ento gibodho nyithindho ma co ma kwo.

1 Samwil 14:45

Man dhanune giwacu ni Saul kumae, Yonathan bitho, m’etimo both ma dit maeni i Israeli? Awene: calu Yehova bedo kwo, yukwie acel de mbe ma bipodho i ng’om; kum gitimo giku Mungu tinuni. Kum kumeno dhanune gibodho Yonathan kara kud etho.

Tic Mi Jukwenda 4:19

Ento Petro giku Yohana gidwoko lembe giwacu igi kumae, Tek en e atira i wang’ Mungu ya wawinj i beng’wu ma sagu ma ba Mungu, wupok wun:

2 Ubimo 10:25

Man etimbre, kinde m’edaru thiero lam m’awang’a nia Yehu wacu ni jukur man ni jego kumae, Wumondi, man wuneggi; kud wuwek moko wok woko. E gigoyogi ku lak palamularu; man jukur ku jego gibayugi woko, e gicidho bang’ adhura mi ot pa Bal.

1 Ubimo 18:4

kum ebedo kumeno, kinde ma Yezebel ukabu jubila pa Yehova woko, nia Obadia gamu jubila dak acel, man ekanugi pier abic pier abic i odng’om, man emio igi kwen ku pi.)

1 Ubimo 1:5

Adonija ma wod Hagith ulund udodre gire, ewacu kumae, Abibedo ubimo: man eyiko ire magali ku weg riuni, ku dhanu pier abic m’uringo i wang’e.

2 Samwil 15:1

Man etimbre yo ng’ei maeni, nia Absalom uyiko ire magali ku riuni, ku dhanu pier abic m’uring i wang’e.

1 Samwil 25:17

Ka kumeno kawono ing’ei man ipid pi gin m’ibitimo kum jukeco lem ma rac kum jadit mwa, man kum ot pare ceke: kum en e ng’atu m’adhura ma kumeno, ma ng’atu moko mbe ma copo weco kude.

1 Samwil 22:13

Man Saul uwacu ire kumae, Wupido lembe i kuma nedi, wuku wod Yese, m’imio ko ire kwen, ku palamularu, man ipenjo Mungu pire, kara ejai ira, ekan adhi, calu ma tini?

1 Samwil 20:33

Man Saul ucobe ve ku tong’ kara ecobe; ni kum maeni Yonathan ung’eyo nia won ukeco ya eneg Daudi.

1 Samwil 8:11

Man ewacu kumae, Maeni en e maram ubimo ma bibimo wiwu bibedo ko: ebigamu wotwu, man ebigoyo wigi ire, mi magali pare, man ubed weg riuni pare; e gibiringo wang’ magali pare;

1 Samwil 2:31

Nen, ceng’ ubino, m’abithumo ie boti woko, man bot ot pa wuru, man ng’atu moko m’uti kud ubed nuti i ot peri.

1 Samwil 22:16

Man ubimo wacu kumae, Ibitho andha, Ahimelek, in, ku ot pa wuru ceke.

1 Ubimo 14:27

Man ubimo ma Rehoboam utimo ban mi mola kakagi, man ekethogi i cing’ jego mi jukur, ma gwoko dhugola mi ot p’ubimo.